صدر ءِ مملکت ءَ بلوچستان ءُ خیبر پختونخوا ءَ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را توسیپ ءُ ستا  

اسلام آباد۔29ستمبر  (اے پی پی): صدر آصف علی زرداری ءَ بلوچستان ءُ خیبر پختونخوا ءَ ناشرکارانی ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را توسیپ ءُ ستا درشان کنان ءَ گوشت کہ سرجمیں راج ءَ را سیکورٹی فورسز ءُ کانود ءِ کارندہ آنی دلیری ءُ بہادری ءِ سر ءَ پھر انت۔ ناشرکارانی ھلاپ ءَ آپریشن داں ناشرکاری ءِ سرجمی ءَ ھلاسی ءَ سرجمی ءَ برجاہ بنت۔ سئے شمبے ءِ روچ ءَ صدر ءِ مملکت ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ سیکورٹی فورسز ءُ کانود نافذ کنوکیں ادارگ آنی نیمگ ءَ جوانیں حکمت عملی ءِ وسیلگ ءَ ناشرکار آنی نا شریں ارادہ آناں ناکام کتگ۔ ناشرکار آنی ھلاپ ءَ آپریشن داں ناشرکاری ءِ سرجمی ءَ ھلاسی ءِ واستہ سرجمیں رنگ ءَ برجاہ مان اَنت: صدر ءِ مملکت ءَ گوشت کہ پاکستان ءَ جھان ءِ امن ءِ برجائی ءُ ناشرکاری ءِ ھلاپ ءَ جنگ ءَ وتی ھزاراں بہادریں زھگ ءُ جنک قربان کتگ اَنت۔ پاکستانی راج ءُ آئی ءِ دلیریں سلاہ بندیں اُرد ءِ تہ ءَ اے جزم ءُ توان ھست کہ آ پاکستان، دمگ ءُ دگنیا ءَ امن ءُ ایمنی ءِ دژمنانی کوشستاں بے سوب بہ کن اَنت۔ صدر ءِ مملکت ءَ گوشت کہ دوستیں ملک ءُ اتحادی آنی کمک ءَ امن ءُ ایمنی ءِ دژمن آنی ھمک کوشست ناکام کنگ بیت۔