مزن وزیر شہباز شریف ءَ خیبر پختونخوا ءُ بلوچستان ءَ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را  توسیپ ءُ ستا

اسلام آباد۔29ستمبر  (اے پی پی):مزن وزیر محمد شہباز شریف ءَ خیبر پختونخوا ءُ بلوچستان ءَ ناشرکارانی ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را ستا کرتگ ءُ گوشت کہ سیکورٹی فورسز ءَ وتی پیشہ وارانہ مہارت ءُ دلیری ءِ درشان ءَ چہ ناشرکار آنی نا شریں ارادہ ناکام کتگ اَنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ ناشرکاری ءِ ھلاپ ءَ جنگ ءَ سرجمیں راج وتی بہادریں سیکورٹی فورسز ءِ گوما اوشتاتگ۔ ملک ءَ چہ ناشرکاری ءِ سرجمی ءَ ھلاس کنگ ءَ تاں آپریشن برجاہ بیت۔ ھما عناصر کہ پاکستان ءِ امن ءُ ایمنی ءَ را تاوان دنت آ وتی ناپاکی ءِ ارادہ ءَ سوبمند بوھگ ءِ اجازت نہ دیگ بنت۔ مزن وزیر ءَ سوبمندیں آپریشن آنی تہ ءَ بھر زوروکیں سیکورٹی فورسز ءِ افسر ءُ مرد آناں سلامی دیگ ءِ ساھت ءَ گوشت کہ سرجمیں راج ءَ را وتی بہادریں زھگ آنی سر ءَ پھر انت۔