اسلام آباد ریسکیو 1122 ءُ فائر بریگیڈ ءِ واستہ 21 نوکیں نوکیں گاڑی 17 سال ءَ پد کراچی ءَ سر بوتگ انت، وفاقی داخلہ ءِ وزیر ءَ کراچی بندرگاہ ءِ تر ءُ تاب کتگ ءُ چار ءُ تپاسی  

کراچی/اسلام آباد۔29ستمبر  (اے پی پی):  اسلام آباد ءَ جدید لائنز ءِ سر ءَ ایمرجنسی جاوراں گوں گر ءُ چیل بوھگ ءِ گنجائش ءَ را دیمروئی دیگ ءِ واستہ چین ءَ چہ اسلام آباد ریسکیو 1122 ءُ فائر بریگیڈ ءِ واستہ درآمد بوتگیں 21 نوکیں جدید گاڑی 17سال ءَ پد کراچی بندرگاہ ءَ سر بوتگ انت۔ وزارت داخلہ ءِ نیمگ ءَ جاڑی بوتگیں بیان ءِ رد ءَ اے درگت ءَ وفاقی وزیر داخلہ محسن نقوی ءَ کراچی بندرگاہ ءِ تر ءُ تاب کتگ ءُ ریسکیو بیڑے ءَ ھوار بوتگیں نوکیں گاڑی آنی سر ءَ نزیکی ءَ چار ءُ تپاسی کتگ۔ اے موہ ءِ سر ءَ تہی کارانی وزیر ءَ را داتگیں بریفنگ ءِ تہ ءَ گوشگ بوت کہ اے درستیں گاڑی آؤکیں 5روچ آنی تہ ءَ کراچی ءَ چہ اسلام آباد ءَ سر بنت۔ بریفنگ ءِ تہ ءَ اے گپ ءِ پدر کنگ بوتگ کہ اے گاڑی دگنیا ءِ نوکیں تریں ساماناں گوں ھوار اَنت ءُ 256فٹ ءِ بُرزی ءَ تاں آسمان ءِ سرا ریسکیو ءُ آتش نشانی ءِ کاروائی ءَ را سوبمندیں رنگ ءَ کنگ ءِ سرجمیں توان ءَ دار اَنت۔ نوکیں بیڑے ءِ تہ ءَ 4 فائر ایریل ٹرک، 6 فائر ٹاور ءُ 5 فائر ٹینک ءِ ھوار ایندگر کمکی آپریشنل گاڑی ھوار اَنت۔ اے موہ ءِ سر ءَ وفاقی تہی کارانی وزیر ءَ گوشت کہ پاکستان ءَ اسلام آباد ریسکیو اینڈ فائر بریگیڈ ءِ واستہ نوکیں جدید گاڑی آنی آھگ ءَ را سک باز وش اتک کنگ بیت۔ آئی ءَ گوشت کہ اے 2009ءَ پد اسلام آباد ءِ ریسکیو انفراسٹرکچر ءِ تہ ءَ مزنیں ءُ راجدپتری گیشی اِنت۔وزیر داخلہ ءَ چین ءِ حکومت ءِ منت گپت کہ آ نوکیں گاڑی آناں ترندیں تیاری ءُ زوتیں رنگ ءَ سر کنگ ءَ انت۔ آئی ءَ جار جتگ کہ اسلام آباد ءِ شہری آنی رکھینگ ءُ وھد ءِ سر ءَ کمک ءِ واستہ اسلام آباد ءِ درستیں 6 ریسکیو اسٹیشن آنی سر ءَ نوکیں گاڑی الرٹ ءِ تہ ءَ مان اَنت۔ اے موہ ءِ سر ءَ چیف کلکٹر کسٹم ایپرائزل ساؤتھ، کلکٹر ایپرائزل ایسٹ، ایڈیشنل کلکٹر ایپرائزل ایسٹ، چیئرمین سی ڈی اے ءُ چیف کمشنر اسلام آباد، ڈائریکٹر سی ڈی اے ءُ نیشنل لاجسٹکس سیل ءِ مزنیں نمائندگ ھم ھوار اتنت۔