نائب مزن وزیر محمد اسحاق ڈار ءَ ایندھن سبسڈی ءِ ھوالگ ءَ راجی سٹیئرنگ کمیٹی ءِ دیوان ءِ سروکی

اسلام آباد۔29ستمبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ مزن وزیر ءِ ھاسیں ایندھن ریلیف اسکیم ءِ سوبمندی ءَ را ساڑات ءُ گوشت کہ اے سوبمندی توامیں سرکاری ادارگ آنی یکجائی کوشست آنی درشان اِنت۔ سئے شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ آئی ءَ نیویارک ءَ چہ واتر بوھگ ءِ وھد ءَ مزن وزیر ءِ ھاسیں ایندھن ریلیف اسکیم ءِ سر ءَ عمل درآمد ءِ سر ءَ چار ءُ تپاسی ءِ واستہ ایندھن ءِ سبسڈی ءِ ھوالگ ءَ راجی اسٹیئرنگ کمیٹی ءِ دیوان ءِ سروکی ءَ کت۔ کمیٹی ءَ رجسٹریشن، ٹوکن ءِ کارمردی، ادائیگی ءُ شکایت آنی گیواری ءِ ھوالگ ءَ پیشرفت ءِ چار ءُ تپاسی کتگ۔ کمیٹی ءَ را سرپدی دیگ بوت کہ تاں انوگ ءَ 7.6 ملین ءِ نزیک ءَ رجسٹریشن سوبمندیں رنگ ءَ سرجم بوتگ ءُ ٹوکن ءِ کارمرد کنگ ءِ عمل وتی دومی ہفتگ ءَ داخل بوتگ ءُ تاں انوگ ءَ 7.710ملین ٹوکن کارمرد کنگ بوتگ۔ نائب مزن وزیر سینیٹر محمد اسحاق ڈار ءَ اے اسکیم ءِ سوبمندی ءَ را ساڑات ءُ اے گپ ءِ سر ءَ زور پر دات کہ اے اسکیم ءِ تہ ءَ وزارت انفارمیشن ٹیکنالوجی ءُ ٹیلی کام، وزارت انفارمیشن ءُ نشریات، وزارت پٹرولیم، اوگرا، صوبہ اسٹیٹ بینک آف پاکستان ءَ ھوار درستیں سرکاری ادارگ آنی یکجائی کوشست آنی درشان اِنت۔ نائب مزن وزیر ءُ وزیر ءِ درئی کار ءَ مستفید بوؤکیں مردم آناں آسراتی دیگ ءُ سرجمیں ملک ءَ ازمت آنی بے مٹیں پجاری ءَ را دل یکیمی کنگ ءِ واستہ برجاھیں ھمگرنچی ءِ ضلورت ءِ سر ءَ زور پر دات۔ گند ءُ نند ءِ تہ ءَ انفارمیشن ٹیکنالوجی ءُ ٹیلی کمیونیکیشن ءُ انفارمیشن ءُ براڈکاسٹنگ ءِ وفاقی وزیر، مزن وزیر ءِ ھاسیں کمکار طارق باجوہ، وفاقی ءُ صوبائی سیکرٹری ءُ اسٹیٹ بینک آف پاکستان، اوگرا، این آئی ٹی بی ءُ پی ڈی اے ءِ کارندہ آں بھر زوری کت۔