کوروناوائرس نا برخلاف چین نا کمک، اولیکو جہاز این۔95تون اوار دہ لکھ ماسک، 50ہزار ٹیسٹنگ کٹس اتسا کراچی آ سرمس

اسلام آباد۔ 25مارچ(اے پی پی) کوروناوائرس نا دین اتون مون تننگ اٹ کمکاری نا رداٹ چین آن اولیکو جہاز المی گڑاتے اتسا پاکستان آ سرمس۔ این ڈی ایم اے نا ترجمان نارداٹ دا گڑاتے چینی حکومت نا کنڈآن پاکستان ءِ تننگانے، کوروناوائرس آن بچنگ کن درکار گڑاتے اتسا جہاز کراچی بالی پٹ آ سرمسنے۔ گڑاتیٹی 10لکھ فیس ماسک ہرافتے ٹی این۔95ماسک ہم و 50ہزار ٹیسٹنگ کٹس ہم اوارءِ۔