اسلام آباد۔ 25مارچ(اے پی پی) ملک اٹی کرنسی نوٹ آتا کمک اٹ کوروناوائرس نا تالانی ءِ توننگ کن اسٹیٹ بینک آف پاکستان غٹ بینک آتے پارت جاری کرینے۔ بینک آتے خاص کر ہسپتال آتیان دوئی مروک آ کرنسی نوٹ آتے خیالداری اتون پارت جاری کننگانے۔ دوئی مروک آ کرنسی نوٹ آتے قرنطینہ ٹی تخنگ نا پارت ہم کننگانے۔ اسٹیٹ بینک آف پاکستان نا رداٹ نوٹ آتے قرنطینہ ٹی تخنگ آن مراد داوڑنا نوٹ آتے جوان وڑاٹ پیکٹ آتے ٹی تفسا اوفتیا اسپرے کرسا اوفتے سیل کرسا منہ وخت اکن جتا تخنگے۔ بینک آتے قرنطینہ ٹی تخوک آ نوٹ آتا بارواٹی اسٹیٹ بینک آف پاکستان ءِ معلومداری کروئی تمک ہرادا نوٹ آتا بدلہ ٹی پوسکن ءُ نوٹ چپائفسا دا بینک آتا حوالہ کیک۔ مرکزی بینک بینک آتے ہسپتال آتا اکاؤنٹ اٹی جمع مروک آ کرنسی نوٹ آتون ایلو اکاؤنٹس آتے ٹی جمع مروک آ نوٹ آتا بارواٹی ہم احتیاطی تدابیر اختیار کننگ کن پارینے۔

متعلقہ مضامینمصنف کی طرف سے مزید