اسلام آباد ۔ 25 مارچ (اے پی پی) مزن وزیر عمران خان ءَ گوشت کہ کورونا وائرس ءِ ھلاپ ءَ جنگ سرجمیں راج ءِ کمک ءَ چہ باج برگ بیت کنت، کورونا ءِ ھلاپ ءَ جنگ ءَ گریبیں مردم آنی ھیال داری کنگ ٹوھیں جیڈھ ات، ٹرانسپورٹ آنی بندش ءَ چہ جیڈھ گیش پیداک بوت کن انت۔ ھوپ ءُ ترس ءُ بیم ءَ چہ چست کتگیں گامگیج آں چہ نتیجگ جوانیں سہرا نہ بیت، گوستگیں روچ ءَ تاں پاکستان ءَ کورونا ءِ 900 پکوئیں مریز اتنت ایشانی تہ ءَ 153 ھندی، گیشتریں ڈن ملکی ءَ چہ آیوکیں بوتگ انت، ملک ءَ کورونا وائرس ءَ چہ آماچ بوھوکیں مردم آنی کساس سک باز کمتر انت، اے ھیالانی درشانی آئی ءَ چار شمبے ءِ روچ ءَ پارلیمانی سروک آں گوں ویڈیو لنک کانفرنس ءِ ساھت ءَ گشتانک دیان ءَ کت۔ آئی ءَ گوشت کہ ملک ءَ کورونا وائرس ءِ شنگ ءُ تالان بوھگ ءَ را گر ءُ دار کنگ ءِ ھوالگ ءَ شریکیں مردم آناں سرپد کنگ لوٹاں ، 15 فروری ءَ کورونا وائرس ءِ ھوالگ ءَ دیوان ءِ برجم دارگ بوتگ ات، آ وھد ءَ چین ءَ ایوک ءَ شنگ ءُ تالان بوتگ ات، چین ءَ گوں رابطہ ءَ بوتگ آں۔ آئی ءَ گوشت کہ چین ءَ استیں پاکستانی نودربر آنی چین ءَ نندگ ءِ گرانیں پیسلہ ءِ کت، اے نودربر چین ءِ شہر ووہان ءَ پس اتگ بوتگ انت، اے نودربر آنی مات پت آں وتی چک آنی واپس آرگ ءِ دزبندی ھم کتگ ات، اے نودربر آناں واپس آرگ ءُ حاجی کیمپ ءَ ایر کنگ ءِ منصوبگ بوتگ پدا ھم اے ھوپ” ءِ گیش شنگ بوھگ ءِ ترس بوتگ، چین ءَ چہ انوگ ءَ یک کورونا کیس ءِ پاکستان ءَ نہ اتکگ۔ مزن وزیر ءَ گوشت کہ چین ءَ چہ ایران ءَ کورونا وائرس ءِ شنگ ءُ تالان بوھگ بندات بوت، چین ءِ مٹ ءَ ایران ءَ کورونا ءِ ھلاپ ءَ ازمکاری گیش کمتر اتنت ءُ آوانی کرا اسکریننت ءُ قرنطینہ ءِ آسراتی ھم نیست ات، تفتان بارڈر ءِ سر ءَ زیارتی مردم آنی مزنیں کساس ءِ جم بوتگ، 28 فروری ءَ ڈاکٹر ظفر مرزا ءَ تفتان بارڈر ءِ سر ءَ روان دات ءُ آرا آھودا چہ جاور ھال آنی چار ءُ تپاس گرگ بوت۔ سر وزیر بلوچستان جام کمال ءَ گوں رابطہ ءَ بوتگ، پاک اُرد ءِ کمک ءَ تفتان بارڈ ءِ سر ءَ زیارت کنوک آناں آسراتی پجاری کت۔ عمران خان ءَ گوشت کہ انوگ ءَ تاں ائیر پورٹس ءِ سر ءَ 9 لکھ مردم ءِ اسکریننگ کنگ بوتگ، گوستگیں روچ ءَ تاں پاکستان ءَ کورونا وائرس ءِ 900 پکوئیں مریز اتنت۔ پاکستان ءَ کورونا ءِ ایوک ءَ 153 ھندی مریز انت، گیشتریں ڈن ملک ءَ چہ اتکگ انت، ملک ءَ کورونا وائرس ءِ آماچیں مردم آنی کساس سک باز کم انت۔ آئی ءَ گوشت کہ راجی سلامتی کمیٹی ءِ دیوان اے وھد ءَ جار جنگ بوتگ ھما وھد ءَ ملک ءَ کورونا وائرس ءِ مریز آنی کساس 21 ات، ایشی ءَ پد یونیورسٹیز، کالجز، کرکٹ، میچز ءُ السی مچی ءَ را سرجمیں رنگ ءَ بند کنگ بوتگ۔ آئی ءَ گوشت کہ خیبرپختونخوا، سندھ، پنجاب ءُ بلوچستان ءَ صوبائی تک ءَ جتا جتائیں نمونگ ءِ لاک ڈائون کتگ۔ 18 مٹ ءُ بدلی کانود ءَ چہ پد اے صوبگ آنی مستری انت۔ آئی ءَ گوشت کہ پاکستان ءَ لاک ڈائون ءِ جیڈھ ءِ سر ءَ کنفیوژن است، مارا ٹرانسپورٹ بند کنوکیں لاک ڈائون ءِ سر ءَ دووارگ چار ءُ بچار کنگ لوٹ ایت، ٹرانسپورٹ ءِ بندش ءَ چہ ملک ءَ جتا جتائیں جیڈھ پیداک بوت کنت، ترس ءُ بیم ءِ وھد ءَ کتگیں پیسلہ ءَ چہ ھرابیں رند پد سہرا بیت۔ گلگت بلتستان ءَ ٹرانسپورٹ ءِ بندش ءَ چہ ٹیل ءِ کمی پیداک بیت، ملک ءَ اے وھد ءَ گندم ءِ رونگ ءِ سیزن انت، ٹرانسپورٹ ءِ بندش ءَ چہ جتا جتائیں جیڈھ پیداک بیت کنت۔ آئی ءَ گوشت کہ نیشنل کورآرڈینشن کمیٹی ءَ بنجاھ وتی بن گپ ءَ پیش کنگ کہ دیوان ءَ ملک ءَ کورونا ءِ سبب ءَ پیداک بوھوکیں ھواریں جاور ھال آنی چار ءُ تپاسی گرگ ءِ نوکیں گامگیج شاھگان کنگ بیت۔ آئی ءَ گوشت کہ لاک ڈائون ءِ گڈی بھر کرفیوانت، کورونا ءِ واستہ اگاں کرفیو جنگ انت گڈا گس آنی توک ءَ راشن پجارینگ لوٹ ایت، ایشی ءِ واستہ ٹوھیں اسٹرکچر ءِ ضلورت کپیت، کرفیو جنگ ءَ چہ پیسر سرجمیں تگیاری کنگ لوٹ ایت، مردم آناں گس آنی توک ءَ ورگ ءِ پجارینگ ءِ واستہ والنٹرری کار کنوک آنی کار رھبند آنی کار رپک ءَ را سہرا کناں۔ آئی ءَ گوشت کہ لاک ڈائون ءَ چہ صنعت بند بنت، برآمد کنگ ءِ پڑ آماچ بنت، جوڑیشتی کارخانہ بند مہ بنت، اے رنگ ءَ مزوور آنی گسے چُل روک بنت۔ آئی ءَ گوشت کہ کورونا ءِ ھلاپ ءَ جنگ ءَ سرجمیں راج ءِ کمک ءَ چہ باج برگ بوت کنت، کورونا وائس ءِ ھلاپ ءَ جنگ ءَ گریبیں مردم آنی ھیال داری ٹوھیں جیڈھ ات۔ آئی ءَ گوشت کہ توامیں سیاسی سروک آنی شور ءُ سلاھ آناں وش اتک کناں۔a
