اسلام آباد ۔ 25 مارچ (اے پی پی) کورونا وائرس ءِ میاں اوستمانی ھوپ ءِ رد ءَ مصر ءِ نامداریں جامعہ الا زہر ءِ عالم آنی سپریم کونسل ءَ جان سلامتی ءُ بنی آدمی رکھینگ ءِ رد ءَ باجماعت نماز ءُ آدینگ ءِ نماز ءِ وانگ ءِ سر ءَ بندش جنگ ءِ ھوالگ ءَ فتوٰی جاڑی کتگ۔ صدر ءِ مملکگت ڈاکٹر عارف علوی ءَ اسلام آباد ءَ مصر ءِ سفیر ءِ وسیلگ ءَ شیخ الازہر ءَ کورونا وائرس ءِ ھوپ ءِ رد ءَ نیک راھی پرز آنی پیلو کنگ ءِ ھوالگ ءَ سروکی کنگ ءِ دزبندی کتگ ات۔ اے رد ءَ جامعہ الازہر ءِ عالم آنی سپریم کونسل ءَ پکوئیں جان سلامتی رکھینگ ءُ بنی آدمی رکھینگ ءِ رد ءَ باجماعت نماز ءُ آدینگ ءِ روچ ءِ نماز وانگ ءِ سر ءَ بندش جنگ ءِ بابت ءَ یک شلیں فتوٰی جاڑی کنگ بوتگ۔ صدر ءِ مملکت ءَ فتوٰی ءِ ھوالگ ءَ شیخ الازہر ءِ شگر ءُ منت ھم گپت۔ فتوٰی ءِ تہ ءَ پکوگوشگ بوتگ کہ توامیں شاھدی آنی رد ءَ السی مچی آں ھوار باھجماعت نماز کورونا وائرس وائرس ءِ شنگ ءُ تالان بوھگ ءِ سبب جوڑ بیت۔ مسلمان ملک آنی تہ ءَ سرکاری کارندہ آناں باجماعت نماز ءُ آدینگ ءِ روچ ءِ نماز آناں مھتل کنگ ءِ سرجمیں مستری است انت۔ اے رد ءَ استیں جاور ھال آنی رد ءَ ، بانگو “صلوٰۃ فی بیوتکم” گس آنی توک ءَ بوان انت، بانگ ءِ توک ءَ ھمے گپ ءَ ھوار بکن انت، وھدیکہ گس ءِ نندوگیں مردم باجماعت نماز ءِ بست ءُ بند ءَ کت کناں۔ مسلمان آنی پرز آنی تہ ءَ ھوار انت کہ نہ گیگیں جاور آنی رد ءَ جان سلامتی رھبند آں پد ءُ رند بکن انت ءُ گیر سرکاری ھال در آنی دروگ ءُ بٹاک آں گوش مدار انت ءُ باور مکن انت۔ صدر ءِ مملکت ڈاکٹر عارف علوی ءَ اے فتوٰی ءِ بنیات ءَ عالم ءُ حکومت ءَ گوں دزبندی انت کہ زوتاں چہ زوت اے پنت ءُ شون آنی رد ءَ حکم جاڑی کنگ بہ بیت۔
