اسلام آباد ۔ 25 مارچ (اے پی پی) مزن وزیر ءِ ھاسیں کمکار برائے اھوالکاری ءُ ڈاکٹر فردوس عاشق اعوان ءَ گوشت کہ مزن وزیر عمران خان ءِ حکومت ھمک وھد ءَ الس ءِ واستہ سسا کنت، ملک ءُ راج ءِ گہبود ءُ ایشی ءِ گہتری مئے مول ءُ مراد انت، مزن وزیر عمران خان ءَ کورونا ءَ چیلنج ءَ گوں گر ءُ دار ءِ واستہ ٹوھیں راجی گامگیج ءِ جار جتگ، کھربانی کلدار ءِ پیکج عمران خان ءِ وتی راج ءُ گریبیں الس ءِ واستہ ھیال داری کنگ ءُ پا آیاں مارشت دارگ ءِ نمونگ انت۔ مزن وزیر ءَ چاگرد ءِ تومیں تبک ءِ مردم آنی ھاترا گامگیج چست کتگ، معاشی راستی ءُ راجے استیں جیڈھ آنی رد ءَ اے یک ٹوھیں گہتریں پیکج ات۔ چار شمبے ءَ مزن وزیر ءِ ھساسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ وتی ٹویٹ ءَ گوشت کہ مزوریں تبک ءِ مردم آنی واستہ 200 ارب ءُ چاگرد ءِ سکیں گریبیں مردم آنی واستہ 150 ارب کلدار ءِ زر ایر کنگ بوتگ، برآمد کنوکاناں 100 ارب کلدار ءِ ریفنڈ دیگ ءَ چہ برآمد کنوک آنی کمک بیت ءُ ایشی ءَ چہ ملکی معیشت ءِ سر ءَ جوانیں رند پد سہرا بنت، کسانیں ءُ مزنیں صنعت ءُ کشت ءُ کشار ءِ واستہ 100 ارب ءَ چہ پیداواری ازم ءَ را گیش ودینگ ءَ کمک یوٹیلٹی سٹور آنی واستہ 50 ارب کلدار ءِ دیگ ءِ مول ءُ مراد الس آناں سستائیں ءُ جوانیں سامان آنی پجاری دل یکیمی کنگ انت۔ آئی ءَ گوشت کہ لاک ڈائون ءِ جاور ھال آنی رد ءَ 100 ارب ءُ گندم ءِ سرکاری بہا زورگ ءِ واستہ 280 ارب کلدار ایر کتگ۔ آئی ءَ گوشت کہ پٹرولیم سامان آنی سر ءَ 15 کلدار یک لیٹر کم کتگ، اے توامیں گامگیج آنی پد ءَ شاھیگان بیت کہ مزن وزیر عمران خان ءِ حکومت ھمک وھد ءَ الس ءِ واستہ سسا کنت، ملک ءُ راج ءِ گہبود ءُ ایشی ءَ گہتری مئے مول ءُ مراد انت۔
