اسلام آباد ۔ 25 مارچ (اے پی پی) منصوبہ بندیءُ دیمروئی ءُ کارانی مزن گسی سیکرٹری کنول شوذبءَ گشتگ کہ مزن وزیر عمران ءَ کرونا وائرسءِ جاورھالانی ردءَ پہ اُلسءَ مزنیں پیکیج ءِ جار جتگ کہ ایشی ءِ سرءَ عملدرآمد بندات بوتگ، پٹرولیم مصنوعات چہ مرچیءَ 15کلدار ارزان بوتگ۔ آئیءَ وتی یک بیانے ءَ گشتگ کہ حکومت کورونا وائرس ءِ ھلاس کنگ ءِ ھاترءَ سرجمیءَ گامگیج کنگءَ اِنت، مردم وتی لوگاں بہ بنتءُ ڈنءَمیااَنت۔ آئیءَ گشتگ کہ 200ارب کلدار پہ نیزگاریں مذدوراں، 100 ارب کلدارپہ ایکسپورٹ انڈسٹری ءَ، 100ارب کلدار میڈیم انڈسٹری، 50ارب یوٹیلیٹی سٹور، 150ارب کلدار پہ بیروزگاراں،پناہ جاہ ءَ گیش کنگ، 100ارب کلدار ایمرجنسی ءُ 280ارب کلدار پہ دھکانی ھاترءَ ایر کنگ بوتگ۔ آئیءَ گشتگ کہ کورونا وائرسءَ را حکومت تنا پروش دات نہ کنت ، انوگیں جاورھالان ہمک مردمءَ را وتی کرد پیلو کنگ لوٹ ایت۔
