کوئٹہ۔25مارچ(اے پی پی) بنجائی وزیر دفاعی پیداوار زبیدہ جلال پارینے کہ کورونا وائرس اسہ ایلو تون ملنگ و جوڑ بڑ کننگ آن تالان مریک ہنداخاطرآن شاریک کوروناوائرس نا بابت زیات خیال کرسا اُراتیٹی مریر و بے گرج ہن و بر آن پانادکیر، چارشنبے نادے آ بلوچی زبان اٹی الس نا پن کوروناوائرس نا توننگ نا بابت ویڈیو کلہو اٹی بنجائی وزیر دفاعی پیداوار زبیدہ جلال نا پاننگ ئس کہ کوروناوائرس ترندی اٹ مچ آ دنیا ٹی تالان مسنے ، کوروناوائرس داسہ پاکستان اٹی ہم تالان مننگ ءِ ہراگڑتی نا حالیت اسے اوپارے کہ دا وائرس اسہ ایلو تون ملنگ و دوملفنگ و جوڑبڑ کننگ آن تالان مریک، ہنداخاطرآن مچ آ ملک انا خلقت کوروناوائرس نا بابت زیات احتیاط کیر، و تینا اُراتیٹی مریر۔
