کوئٹہ۔ 25مارچ(اے پی پی) گورنر بلوچستان امان اللہ خان یاسین زئی تینا اسہ تُو انا تنخواہ ءِ کوروناوائرس نا سوب تالان مروک آ ناجوڑٛی تون مون تننگ کن حکومتی فنڈ اٹی جمع کرفنگ نا پڑوءِ کرینے، گورنر سیکرٹریٹ کوئٹہ نا ترجمان نا رداٹ گورنر یاسین زئی ملک انا غٹ مالی و زرگزرانی وس تخوک آ بندغ آتیا زور شاغا کہ او ہم مشکل نا داساہت اٹی تینا ایڑھ و ایلم تے کمک فراوان کرسا داخیر اناکاریم اٹ پبی بشخ ہلیر، اوالس ءِ پارے کہ کوروناوائرس آن خلوئی اف بلکن اسیجا کوشست آتے ٹی دادے باتروئی ءِ و دا یخین نا درشانی ءِ کرے کہ احتیاطی تدابیر نا پورو پاسداری و سوچ و اپروچ اٹی بدلی اتنگ آن کوروناوائرس نا آسانی اٹ مون ءِ توننگ مریک۔
