اسلام آباد۔24مارچ(اے پی پی) چین پاکستان اقتصادی راہداری نا رداٹ کشت وکشار نا بشخ ءِ خصوصی اہمیت تننگ انگ ءِ۔ سی پیک اتھارٹی نا کمامدارآتارداٹ چینی زرکارآتے کن کشت وکشار و فوڈ پروڈکشن ، پروسیسنگ ، لاجسٹک و مارکیٹنگ اٹی بھلو وارخواہی اس، کشت وکشار نا بشخ اٹی جوائنٹ وینچرزو بزنس ٹوبزنس رابطہ غاتے مون آ دننگ انگ ءِ۔ ہڑتوم آ کنڈآتا زرگزرانی کمکاری پین سوگومریک۔ سی پیک نا ارٹ میکو مرحلہ نا رداٹ پاکستان اٹی چین نا کمک اٹ صںعتی انقلاب برپامریک۔ دا مرحلہ ٹی ملک انا ہر چار آ صوبہ، گلگت بلتستان، فاٹاو آزاد کشمیر اٹی جم وڑاٹ 9صنعتی زون جوڑ کننگک۔ پاکستان و چین موسمیاتی بدلی، آبی بست و بند، جنگلات و کچٹی آن پاک چاگڑد نا بحالی نا بشخ آتے ٹی کمکاری ءِ مون آ دننگ آ ہم خصوصی چکار کرینے۔
