اسلام آباد۔ 24مارچ(اے پی پی) بنجائی وزیر ریلوے شیخ رشید احمد وڈیو لنک انا کمک اٹ ریلوے ہیڈکوارٹرز لاہور اٹی اہم ءُ دیوان اسے نا کماشی ءِ کرے ہراٹی ریلوے آفیسر آک کوروناوائرس نا بابت ریلوے آپریشن نا ساڑی حالیت آتیا تینا سلاہ و سوج آتے پیش کریر۔ دیوان اٹی چیئرمین ریلوے بورڈ حبیب الرحمان گیلانی و وزارت نا بڑزکو آفیسر آک اسلام آباد آن بشخ ہلکر وخت اس کہ لاہور آن سسی ای او ریلوے دوست علی لغاری و اے جی ایم ٹریفک زبیر شفیع غوری تون اوار ٹرین آپریشن نا بابت آفیسر آک بشخ ہلکر۔ دیوان اٹی مروک آ فیصلہ غاتیان بنجائی وزیر ریلوے شیخ رشید احمد الس ءِ زوت معلومدارکیک۔ حتمی فیصلہ ءِ وزیراعظم پاکستان عمران خان نا منظوری اٹ کننگک۔
