راولپنڈی ۔ 23 مارچ (اے پی پی) چیف آف آرمی سٹاف جنرل قمر جاوید باجوہ ءِ سروکی ءَ ھاسیں کورکمانڈر کانفرنس برجم دارگ بوتگ،ایشی ءِ ون پوائنٹ ایجنڈہ کورونا وائرس (سی او وی آئی ڈی 19-) ات۔ پاک فوج ءِ لس سیادیانی تک (آئی ایس پی آر)ءِ نیمگا چہ جاڑی بیان ءِ ردا کور کمانڈر کانفرنس ءَ وتی ہمگرنچ ءِ ہیڈ کوارٹرز ءَ چہ ویڈیو لنک ءِ وسیلگ ءَ کانفرنس ءِ تہ بھرزوری کتگ۔اے موہ سرا ملک ءِ تہ کورونا وائرس ءِ باروا چارءُ تپاس کنگ بوتگءُ نادراہی ءِ ھلاسی پہ سول انتظامیہ ءِ کمک ءِ ھاترا پاک فوج ءِ تیاری ءِ درشان کنگ بوت۔ پاک فوج ءِ دراھیں ٹروپسءُ سرجمیں ملک ءِتہ ساڑی طبی وسیلگ ءَ را کسانیں نوٹس ءِ سرا سول انتظامیہ ءِ کارروائی ءِ تہ کمک ءِ ھاترا ساجو بوھگ ءِ پرمان دیگ بوتگ۔اے موہ سرا پاک فوج ءِ سروک جنرل قمر جاوید باجوہ ءَ گوشت کہ کسے زمہ دارءُ پرجزم ءِ راج ءَ را کسے پروشت دات مہ کنت۔آہاں گوشت کہ پاک آرمی راجی کوشستانی بھرجوڈ ببان ءَ انشاء اللہ وتی فرضان پیلو کن ایت ءُ راج ءَ پروٹیکشن پھجارایت۔
