ریاض ۔ 23 مارچ (اے پی پی) خادم حرمین شریفین شاہ سلمان عبدالعزیز ءَ کورونا وائرس ءَ را کنٹرول کنگ ،شہریانی ءُ درملکی مردمانی جان سلامتی ءُ دیمپانی ءِ ھاترا 21 روچ ءِ ھاترا سرجمیں ملک ءِ تہ جزوی کرفیو ایر کنگ ءِ پرمان جاڑی کتگ۔سعودی روتاک ءِ گوشگ ءِ ردا شاہی پرمان ءِ تہ گوشگ بوتگ کہ کرفیوہمک روچ بیگاھ 7 چہ بگرداں سہب ءِ6 بج ءَ تاں بیستءُ یک روچءَ برجاہ بہ بیت۔سعودی شاہ سلمان بن عبدالعزیز ءَ اے پرمان جان سلامتی ءِ وزارت ءِ اے بیان ءِ پدا جاڑی کت کہ آئی ءَ گوشگ بوتگ کہ گوستگیں روچ ءَ یک شمبے کورونا وائرس ءِ 119 نوکیں نادراہ دیما اتکگ ات۔سعودی عرب ءِ تہ مچ کساس گیش بوانءَ 511 بوتگ انت۔شہریانی ءُ درملکیءَ را وتی رکھگ ءِ ھاترا کرفیو ءِ وھد ءُ پاس ءَ وتی گسءَ نندگ ءِ کڈنی دیگ بوتگ انت۔ سرکاری ءُ جندی تک ءِ ھاسیں کارجاھ ءِ ہما کارندہ کہ آہانی کار ءِ تہ یکشل کارکردگی درکار انت کرفیو ءَ چہ مستثنیٛ بہ بباں۔سیکیورٹی کارندہ،فوجی،میڈیا،جان سلامتیءُ یزمتءِ تک ءِ جہد کارھم کرفیو ءَ چہ مستثنیٛ بباں۔دراھیں سول ءُ فوجی واکداراں را اے درگت ءَ تہی کارانی وزارت ءَ گوں سرجم ءِ کمک ءِ پرمان داتگ انت۔
