اسلام آباد۔مارچ (اے پی پی) یوم پاکستان سرا بانی راھشونءَ خراج عقیدت پیش کنان ءَ صدر مملکت ڈاکٹر عارف علوی ءَ زوربرتگیں کشمیر ءِ مہلوک ءَ گوں پلہ مرزی ءِ درشان کتگ ہمہ کہ گوستگیں 7ماہ چہ گیش وھد ءَ چہ درانسانی لاک ڈاون ءُ کمیونیکیشن ءِ بندش ءِ شکار انت۔صدر ءَ یوم پاکستان ءِ موہ ءِ سرا وتی کلوھ ءِ تہ گوشت کہ آں جمون ءُ کشمیرءِ مہلوک ءَ را یقین دیگ انت کہ پاکستاں گوں آہاں پج اوشت ایت ءُ آہانی جائز حق خودارادیت ءِ ھاترا اخلاقی ،سیاسی ءُ سفارتی پلہ مرزی برجاہ دارایتءُ آہانی جائز حق خودارادیت ءِ ھاترا اخلاقی،سیاسی ءُ سفارتی پلہ مرزی برجاہ دارایت۔آہاں گوشت کہ 23مارچ مئے راجی راج دپتر ءِ ھاسیں سنگ میل انت پرچا کہ مروچیگیں روچ 1940ءِ تہ راج دپتری لاہورءِمنگ نامہ پاس کنگ بوتگ ات۔برصغیر ءِ مسلماناں را یکجاھ کتگ۔ برصغیر ءِ مسلمانءَ یکجاھ بوان ءَ جتاھیں وتن ءِ ھاترا غیرمتزلزل جزم ءِ درشان کتگ ایشی ءِ تہ آں وتی مذہب ،روایات،اقدارءُ ربیدگ ءِ ردا وتی زندگوازینت کن انت۔آہاں گوشت کہ مروچی مہ بابائے راج قائداعظم محمد علی جناح،علامہ محمد اقبال ءُ تحریک آزادی ءِ دگہ دراھیں مستریں راھشوناں را خراج عقیدت پیش کنگ اوں ہماہاں کہ تخلیق پاکستان ءِ راہ درست کتگ۔ صدر مملکتءَ گوشت کہ بیا ایت مہ وتی ملک ءَ را امن،دیمروئی ءُ گہبودی ءِ جاھ جوڈ کنگ ءِ ھاترا وتی پت ءُ پیروکانی پدگرءَ دیما جزان آہانی میراثءُ مڈی ءَ را برجاہ دارگ ءِ جزم ءِ درشان ءَ کن انت۔آہاں گوشت کہ اے روچاں دگنیا ءَ را کورونا وائرس ءِ سکیں ھطرہ ءِ دیمپانی انت،باز کم اے رنگیں آفت ءِ اثر کپتگ انت کہ ہمکتر کہ آں مروچی چارگ انت۔ راج گرانیں وھد ءَ چہ گوزگ انت بلے آں ایوکا اتحاد ءَ گوں ایشی ءِ دیمپانی انت۔ آہاں گوشت کہ مہ پاکستانی ءَ را ھم اے وبا ءِ مقابلہ ءِ ھاترا یکجاھ بوھگ ءِ ضلورت انت۔اے چاگردءِ دراھیں تبک بشمول علماء کرام، میڈیا ءُ سیاسی راھشونانی زمہ واری انت کہ آں مہلوک ءَ را اے وائرس ءَ چہ رکھگ ءِ ھاترا گامگیج ءِ باروا سرپد کنگ ءِ ھاترا وتی چکاریں کردءَ ادا کن انت۔آہاں گوشت کہ ڈاکٹر ءُ ہیلتھ ورکرزاے بحران ءِ ھلاپ ءَ اولی دفاعی لین انت ءُ راج ایشی ءِ بے مثال ءُ بے لوث کوشست ءَ را سلام پیش کنگ انت۔آہاں کانود ایر کنوکیں ادارگہاںانی ہزمت ءَ راساڑاتگ ءُ دعا کت کہ ھداوند کریم مارا اے چیلنجزءِ سرا گرودار ءِ سگ ءَ عطا بہ کن ایت۔
