اسلام آباد ۔ 22 مارچ (اے پی پی) سپیکر قومی اسمبلی اسد قیصر ءَ اپوزیشن لیڈر شہباز شریف ءِ گوما ٹیلی فون سرا ملکءِ تہ کورونا وائرس ءِ اُرش ءُ ایشی ءِ ھاترا معاشی چیلنجزءِ سرا ھیال ریچی کتگ۔ سپیکر قومی اسمبلی ءَ قائد حزب اختلاف ءِ گوما کورونا وائرس ءِ سرا پارلیمانی کمیٹی ءُ یکجاھیں پارلیمانی کمیٹی ءِ ہڈ ءِ سرا ھم شئورءُ صلاح کنگ بوتگ۔بنجاہی اسمبلی سیکرٹریٹ ءِ نیمگا چہ جاڑی بیان ءِ ردا اسد قیصرءَ گوشت کہ کمیٹی حکومت ءِ گامانی سرا چماں ایر کتگ انتءُ وتی صلاح ءَ دات۔آہاں گوشت کہ ملک ءِ ھاترا ھواری ءَ وائرس ءِ ھلاپ ءَ مڑگ ءِ جزم ءِ درشان کنان ءَ گوشت کہ مئے سیاسی راھشون ہروھد راجی ایشوز ءِ سرا پج بوھگ انت۔آہاں گیش گوشت کہ سیاسی راھشون ءِ یکجاھ بوھگ وھد ءِ ضلورت انت۔سپیکر بنجاہی اسمبلی ءَ گوشت کہ مارا پج ببان ءَ وتی راج ءَ را دلیری ءِ کلوھ دیگی انت۔اسدقیصر ءَ گیش گوشت کہ مارا کورونا وائرس ءَ چہ ترسگ نہ انت بلکہ ایشی ءَ گوں مقابلہ کنگی انت۔ملک گرانیں وھد ءَ چہ گوزگ انت۔سیاسی راھشون ھواری ءَ وتی چکاریں کردءَ ادا کن انت۔ اپوزیشن لیڈر شہباز شریف ءَ گرانیں وھد ءِ تہ سیاسی راھشون ءَ را یکجاھ کنگ ءِ سرا اسپیکر بنجاہی اسمبلی اسد قیصرءِ کوشستاں را ساڑاتگ۔
