اسلام آباد ۔ 22 مارچ (اے پی پی) مزن وزیر ءِ ھاسیں کمکاربرائے ھلاسی غربت ءُ سوشل پروٹیکشن ڈاکٹر ثانیہ نشتر ءَ احساس سیلانی موبائل لنگر یونٹ ءِ بنداتی کرتگ انت۔اے موبائل لنگرز شہرءِ لہتیں دمگاں،بس اڈہ،نادراہ جاہاں ءُ فیکٹری ایریازءُ ریلوے سٹیشنزءِ سرا شت ڈسپوزیبل پیکٹ ءِ تہ بند وروک ءِ چیزاں بھرءُ بانگ کن انت۔احساس موبائل لنگر یونٹءِ بنداتی مزن وزیر ءِ ھاسین کمکار برائے ھلاسی غربت ءُ سوشل پروٹیکشن ڈاکٹر ثانیہ نشتر ءَ فیض آباد بس اسٹیشن چہ کتگ۔ اے درگت ءَ صدر سیلانی ویلفیئر انٹرنیشنل ٹرسٹ، یوسف لاکھانی ھم ھاسیں کمک کارءَ گوں ہمبراہ ات۔ اے موہ ءِ سرا میڈیا ءَ گوں گپ ءُ تران کنان گوشت کہ غریب ءُ لاچارءِ مردماں را نان پھجارگ استیں حکومت ءِ اولی دلگوشی انت۔مزن وزیر ءِ فلاحٛ استان ءِ جزم ءَ برجاہ ایر کنان ءَ اے لنگر ایوکا ضلورت مند ءَ را ریلیف پھجارایت بلکہ ایشی ءَ چہ پد کپتگیں ءُ کم انکم زوروکیں مردم ھم پاءدگ چست کت کن انت۔آہاں گوشت کہ استیں جاورھال ءِ تہ اودا کہ مردماں را گسانی تہ نندگ ءِ کڈنی دیگ بوھگ انت اودا غریب ءُ نزوریں تبکانی جیڈھ گیش بوتگ ات۔اے موہ سرا صدر ایس ڈبلیو آئی ٹی یوسف لاکھانی ءَ احساس سیلانی موبائل لنگر سکیم ءِ رداٹرسٹ ءِ احساس ءَ گوں کمک ءَ را سدکی داتگءُ اے راجی کوشست ءِ تہ بنجاہی حکومت ءِ ھم منت گپتگ ات۔پدر بہ بیت کہ وزیر اعظم ءَ اکتوبر 2019ءءَ اسلام آباد ءِ تہ احساس لنگر سکیم ءِ ردا پیسرءَ احساس لنگر ءِ بنداتی کتگ ات۔
