اسلام آباد ۔ 22 مارچ (اے پی پی) دری کارانی وزیر شاہ محمود قریشی ءَ ایران ءِ تہ کورونا وائرس ءَ چہ بوتگیں جانی تاوان ءِ سرا جہلانکیں ڈخھ ءُاپسوز ءِ درشان کنان ءَ گوشت کہ ایران ءِ حکومت ءُ مہلوک ہمہ دلیری ءُ جواںمردی ءَ گوں اے نادراہی ءَ گوں دیم دات ہمہ ستا ءِ لائق انت ۔اے گپ آہاں یک شمبے ءَ ایران ءِ دری کارانی وزیر جواد ظریف ءِ گوما ٹیلیفون ءِ سرا گپ ءُ تران کنان ءَ کتگ ات۔گپ ءُ تران ءِ تہ میاں اوستمانی وبا ءِ ھوالہ گوں ھیال ریچی کنگ بوتگ۔دری کارانی وزیر ءَ وتی ہمکار ءَ رااے گرانیں وھدءِ تہ ایران ءِ سرا بندش ءِ ھلاسی ءِ ھوالہ گوں مزن وزیر عمران خان ءُ پاکستانی حکومت ءِ نیمگا چہ میاں اوستمانی تبک ءِ سرا کتگیں کوشستءَ چہ سرپد کتگ۔آہاں ایرانی دری کارانی وزیر ءَ را سرسپد کتگ کہ آئی ءِ یک روچ ءِ پیسرءَ جرمنی ءِ دری کارانی وزیر ءَ گوں گپ بوتگ ءُ مئے دزبندی سرا آہاں وعدہ کتگ کہ باندا یورپی یونین ءِ دری کارانی وزیرانی دیوان ءِ تہ اے معاملہءَ چست کن انت۔دری کارانی وزیر ءَ گوشت کہ آہاں جرمنی ءَ چہ اے گپ ءِ لوٹ ہم کتگ کہ اے میاں اوستمانی وبا ءِ ھاترا وامانی تہ دب اتگیں پد کپتگیں ملکاں را وامانی واتری ءِ تہ آسراتی پھجارینگ بیت تنکہ آں وتی وسیلگ ءَ را کارمرز کت کن انت ،ایرانی دری کارانی وزیر جواد ظریف ءَ ایران ءِ سرا بندش ھلاس کنگ ءِ ھوالہ چہ پاکستان ءِ نیمگا چہ کتگیں کوشستانی سرا مزن وزیر عمران خان ءُ دری کارانی وزیر شاہ محمود قریشی ءِ منت گپتگ ات ءُ گوشت کہ پاکستان ءَ براتیں ملک ءِ ناطہ ،اے گرانیں وھد ءَ ہمہ کہ کرد ادا کتگ ہمہ مثالی انت۔
