اسلام آباد ۔ 21 مارچ (اے پی پی)اسپیکر قومی اسمبلی اسد قیصرءِ گوما ھپتگ ءَ ادا چیئر مین سینیٹ محمد صادق سنجرانی ءَ گند ءُ نند کتگ۔گند ءُ نند ءِ تہ کرونا وائرس ءَ چہ بچگءِ ھوار ھاسیں معاملہانی سرا ھیال ریچی کتگ۔چیئرمین سینیٹ ءَ کرونا وائرس ءَ گوں دیم دیگ ءِ ھاترا ہڈ کتگیں پارلیمانی کمیٹی ءَ را ساڑاتگ ءُ گوشت کہ دراھیں سیاسی راھشون ھواری ءَ اے نادراہی ءِ ھلاپ مڑگ انت۔آہاں گوشت کہ سینیٹ ھم وتی نام ءَ زوت اسپیکر قومی اسمبلی ءَ را دیم دات۔ سپیکر اسدقیصر ءَ گوشت کہ پارلیمانی کمیٹی ءِ برجمداری ءِ مکسد کرونا وائرس چہ بچگ ءِ ھاترا گامگیج کنگی انت، دراھیں راج ءَ را یکجاھ بوان ءَ اے وبا ءَ گوں جنگ مڑگی انت۔آہاں گوشت کہ کرونا وائرس چہ معاشی وڈ ءَ چیلنج ءَ گوں دیم دیگ ءِ ھاترا حکمت عملی جوڈ کنگی انت۔ اپوزیشن ءُ حکومتءِ نیمگا چہ نام آھگ انت ءُ زوت پارلیمانی کمیٹی جوڈ دیگ بیت۔آہاں گوشت کہ پارلیمانی کمیٹی وتی سفارشات ءُ تجاویز حکومت ءَ را دات، کمیٹی کرونا وائرس ءَ گوں دیم دیگ ءِ ھاترا حکومتی گامگیج ءِ سرا چماں ایرکن ایت۔ سپیکر ءَ گوشت کہ کرونا وائرس میاں اوستمانی وبا جوڈ بوتگ۔ چیئرمین سینیٹ ءَ گوشت کہ وباء ھاترا احتیاط کنگ مئے چاگردی ذمہ داری انت۔ شہری، پارلیمنٹ باسک، کارندہ درضلوری مچی ءَ چہ پہریز ءَ کن انت۔
