اسلام آباد ۔ 21 مارچ (اے پی پی) مزن وزیر ءِ ھاسیں کمک کار برائے ھالرسانی ءُ شنگکاری ڈاکٹر فردوس عاشق اعوان ءَ پاکستانی ءَ چہ دزبندی کتگ کہ کورونا ءِ نادراہی ءِ سرا گرودار ءِ ھاترا احتیاطی راھبند سرا عمل کنگ بنت۔اے چینلج ءَ گوں دیم دیگ ءِ ھاترا مہلوک ءَ مثالی نظم ءُ ضبط ءِ درشان کنگ بیت، جزم ءُ ہمت، استقامت ءُیکسوئیءَ گوں اے عفریت ءِ مقابلہ کنگی انت۔مہلوک ءِ جانسلامتی ءِ رکھگ مزن وزیر عمران خان ءِ اولی دلگوشی انت،اے ھوالہ چہ کجام وڈءَ لاپرواہی نہ بوتگ ءُ نہ سگگ بہ بیت۔مزن وزیر جندی بستارءَ سرجمیں جاورھال ءِ سرا چمءَ ایر کتگ انت ،بنجاہی ءُ صوبائی حکومت ءُ دراھیں ہمگرنچیں ادارگ اشتراک عمل ءَ گوں گاماں چست کنگ انت۔چاگردی ویب سائٹ ٹویٹر سرا یک ھپتگ ءَ وتی یک کلوھ ءِ تہ ھاسیں کمکارءَ مہلوک ءَ را کڈنی داتگ کہ رش والی جاء ءَ مہ بروانت۔ ریسٹوران ءِ تہ نندگ ءِ ابید ٹیک اوے ءَ را پریفر کن انت۔آہاں گوشت کہ اے وڈءِ چیلنجز ءَ گوں مہلوک ءُ حکومت ھواری ءَ دیم دیگ انت۔ ڈاکٹر فردوس عاشق اعوانءَ گیش سرپد کتگ کہ کورونا وائرس ءَ گوں دیم دیگ ءِ ھاترا ورلڈ بینک پاکستان ءَ را238 ملین ڈالروھدیکہ ایشین ڈویلپمنٹ بینک 350 ملین ڈالر ءِ کمک پھجارایت۔
