وزیر خارجہ مخدوم شاہ محمود قریشی ناایران اٹی کورونا وائرس آن ہر 10منٹ آن پد اسہ مرک انا بابت رپورٹ آتیا گڑتی نا درشان

اسلام آباد۔20مارچ(اے پی پی) وزیر خارجہ مخدوم شاہ محمود قریشی ایران اٹی کورونا وائرس آن ہر 10منٹ آن پد اسہ مرک انا بابت رپورٹ آتیا ردعمل نا درشانی ءِ کرسا پارینے کہ جہانی راہشون تے انسانیت ءِ بچفنگ کن یکجا مرسا دابابت دمدستی و سوگو جہانی ردعمل اس تروئی مریک۔ جمعہ نادے آ اسہ ٹویٹ اسے ٹی اوپارے کہ سرکاری حساب وکتاب نارداٹ ایران اٹی کورونا انفیکشن نا سوب آن ہر 10منٹ آن پد اسہ بندغ اسے نا مرک واقع مننگ ءِ وخت اس کہ ہرگھنٹہ ٹی 50خلقت دا وائرس نا گواچی مننگ ءُ۔ جہانی راہشون تے اقوام متحدہ نا سیکرٹری جنرل انتونیو گوترش نا بیان ءِ مون آ تخسا انسانیت ءِ بچفنگ کن یکجا مرسا دمدستی و سوگو جہانی ردعمل اس تروئی مریک۔