کوئٹہ۔19مارچ(اے پی پی) بلوچستان اٹی کورونا وائرس آن زہمی بندغ آتا کچ 45مسنے، حکومت بلوچستان نا ترجمان لیاقت شاہوانی نا رداٹ قرنطینہ ٹی رہینگوک آ 252بندغ آتا ٹیسٹ رپورٹ بسنے ہرافتے ٹی 29اٹی کوروناوائرس پک مسنے، اوپارے کہ تفتان اٹی ہم 16بندغ نا ٹیسٹ رپورٹ اٹی کوروناوائرس پک مسوسس۔ ترجمان حکومت بلوچستان پارے کہ کورونا وائرس آن زہمی مریض آتے آئسولیشن روم تیاگدریفنگ انگ ءِ ، و زہمی مریض آتے درمان نا غٹ آسراتی فراوان کننگ انگ ءِ۔
