اسلام آباد۔19مارچ(اے پی پی) مذہبی کارانی بنجاہی وزیر پیر نورالحق قادری ءَ گشتگ کہ کورونا وائرس ءِ شنگ بوہگءِ سوبءَ حج کنوکانی جانءُ سلامتی ءِ ردءَ حج تربیتی پروگرام ادارکی بند کنگ بوتگ، مناسک حج ءِ فرض ءِ ادا کنگءِ ہوالگءَ سوشل میڈیاءِ وسیلگ ءَ حج کنوکانی تربیت کنگ بیت۔ پنچ شمبےءِ روچءَ وتی بیانءَ آئیءَ گشتگ کہ حج 2020ءِ ھاترءَ بندوبست پیسرءِ وڑءَ بنت۔ حج کنوکانی تربیتی پروگرام ءَ را ادارکی بند کنگ بوتگ چیا کہ کورونا وائرس ءِ شنگ بوہگءَ را دارگ ءِ ھاترءَ مُچی ءِ سرءَ بندش جنگ بوتگ ءُ مارا حج کنوکانی جانءُسلامتی ءِ ردءَ اے فیصلہ کنگ لوٹ ایت۔ حج کنوکاں سرپدی سوشل میڈیا ءِ وسیلگءَ برجاہ اِنت ءُ حج 2020ءِ بندوبستانی ہوالگءَ سعودی عرب ءَ گوں یکوئی گپءُتران کنگ اِنت۔
