بیپار ءُ ٹریڈرز گوں تنظیم آنی عہدگ دارگ ضلعی انتظامیہ ءَ ہوار دیوان بہ کن اَنت ءُ بیپاری بنجاہ آں بند کنگءِ ہوالگءَ راہبند جوڑ بہ کن اَنت، بلوچستانءِسروزیر میرجام کمال خانءِ دزبندی

کوئٹہ۔19مارچ(اے پی پی) بلوچستان ءِ سروزیر میر جام کمال خان ءَگوں تاجرتنظیم چیمبر آف کامرس ءُ ٹریڈرز ایسوسی ایشن ءَ دزبندی کتگ کہ کرونا وائرس ءِ انوگیں جاورھال ءَ گوں حکومتءَ ہمراہ داری بہ اِت بیپار ءُ ٹریڈرز تنیظیم آنی عہدگ ءُ ضلعی انتظامیہ ءَ گوں دیوان بہ کن اِت ءُ بیپاری بنجاہ آں بند کنگءِ ہوالگءَ راھبند جوڑ بہ کن اِت۔ وتی حاسیں کلوہءَ بلوچستانءِ سروزیر میر جام کمال ءَ گشتگ کہ کرونا وائرس ءَ را گرءُ دار کنگ راجی زمہ واری اِتءُ یکجائی کوشستاں چہ ایشیءَ را گِرءُ دار کنگ بوت کنت، کرونا وائرس یک نازرکیں جیڑہ اِت کہ ایشیءَ را پرہیز ءَ چہ گِرءُ دار کنگ بیت ، آئی ءَ گشتگ کہ بازار ، پبلک ٹرانسپورٹ ءُمُچ کاہءَ ہلاس کنگءِ ضلورت اِنت ، دیمروئی کتگیں ملک آں اے ہوالگءَ بازیں ترندیں گامگیج چست کتگ ءُمارا ہم اے ہوالگءَ انچیں گامگج چست کنگءِ ضلورت اِنت۔