اسلام آباد ۔ 19 مارچ (اے پی پی) مزن وزیر ءِ چاگردی رکھینگ ءُ گریبی ءِ ھلاسی ءِ واستہ ھاسیں کمکار ڈاکٹر ثانیہ نشتر ءَ گوشت کہ کورونا وائرس ءَ گوں گر ءُ چیل بوھگ ءِ واستہ 35 ہسپتال آنی تہ ءَ رکھینگی ساز ءُ سامان مزنیں کساسے ءَ است انت ءُ زوتیں رد ءَ جاور آں گوں گر ءُ چیل بوھگ ءِ واستہ جان سلامتی کارندہ آناں تیار انت۔ پنچ شمبے ءِ روچ ءَ آئی ءَ ریڈیو پاکستان ءَ انٹرویو دیان ءَ گوشت کہ کررونا وائرس ءِ ویکسین ءِ پٹ ءُ پول ءِ واستہ کار جاڑی انت۔ ڈاکٹر ثانیہ نشترر ءَ گوشت کہ اگاں کسے ءَ را جھکگ انت، سا کشگ ءَ گرانی انت ءُ تپ ءَ ھوار وائرس لگگ ءِ شک است انت گڈا اے مردم ءَ را زوتیں رنگ ءَ ہسپتال ءَ گوں نزیکی کنگ لوٹ ایت۔ ھاسیں کمکار ءَ کورونا وائرس ءِ ھلاپ ءَ جنگگ ءِ باج برگ ءِ واستہ سپائی ءَ را مھکم دارگ ءُ دمپہ ساھت دست ءِ شودگ ءِ ضلورت ءِ سر ءَ زور دات۔ آئی ءَ گوشت کہ کورونا وائرس ءَ چہ ترسگ ءِ ضلورت نہ انت بلکینگ ءَ اے نادراھی ءَ گوں گر ءُ چیل بوھگ ءِ واستہ رکھینگی کار آنی رند ءُ پد کنگ ءِ ضلورت انت۔ ھاسیں کمکار ءَ گوشت کہ صدر ڈاکٹر عارف علوی ءِ استیں تر ءُ تاب چین ءِ ساھت ءَ ، چین ءَ کورونا وائرس ءَ گوں گر ءُ چیل بوھگ ءِ واستہ 3 لکھ ماسک، 10 ہزار رکھینگی سوٹ ءُ مالی کمک پجارینگ ءِ دل یکیمی کنائینتگ۔ ھاسیں کمکار ءَ گوشت کہ پاکستانی نودربر چین ءَ سرجمیں رنگ ءَ رکھ اتگ انت۔ آئی ءَ گوشت کہ پاکستان چین ءِ گوما وت مہ وتی دل یکیمی ءُ شرپ ءُ دوستی ءَ گوں بندوک انت۔
