کورونا وائرس ءَ چہ رکھینگ ءِ واستہ توامیں آسراتی آناں کارمرد کنگ بوھگ ءَ انت، سرجمیں ملک ءَ انوگ ءَ تاں کورونا وائرس ءِ اچ مرگ “بیران ” بوھگ ءِ رپورٹ نہ بوتگ
مزن وزیر ءِ ھاسیں کمکار برائے جان سلامتی ڈاکٹر ظفر مرزا ءِ ٹویٹر کلوہ
اسلام آباد ۔ 18 مارچ (اے پی پی) مزن وزیر ء، ھاسیں کمکار برائے جان سلامتی ڈاکٹر ظفر مرزار ءَ گوشت کہ کورونا وائرس ءَ چہ رکھینگ ءِ واستہ توامیں آسراتی آناں کارمرد کنان ءَ گامگیج کنگ بوھگ ءَ انت، سرجمیں ملک ءَ انوگ ءَ تاں کورونا وائرس ءِ اچ مرگ “بیران” بوھگ ءِ رپورٹ دیم ءَ سہرا نہ بوتگ۔ اے ھیالانی درشانی آئی ءَ چار شمبے ءِ روچ ءَ وتی ٹویٹر کلوہ ءِ تہ ءَ کت۔ سرجمیں ملک ءَ کورونا وائرس ءِ مریز آنی ھواریں کساس ءِ ھوالگ ءَ کچ ءُ کساس ءَ گوشان ءَ آئی ءَ گوشت کہ انوگ ءَ تاں ملک ءَ کرونا وائرس ءِ کنفرم کیسز آنی کساس 247 انت، بنجاھی دارالحکومت ءَ 7، پنجاپ ءَ 9، سندھ ءَ 183 کیسز رپورٹ بوتگ، بلوچستان ءَ 15، خیبر پختونخوا ءَ 19 کیس رپورٹ بوتگ۔ ڈاکٹر ظفر مرزا ءَ گوشت کہ آزات جموں کشمیر ءَ یک ات وھدیکہ گلگت بلستان ءَ 13 کیسز رپورٹ بوتگ۔ آئی ءَ گوشت کہ سرجمیں ملک ءَ انوگ ءَ تاں کورونا وائرس ءَ اچ کس بیران نہ بوتگ۔ بنجاھی حکوقمت، صوبائی حکومت ءُ توامیں سٹیک ہولڈرز الس ءِ رکھینگ ءِ واستہ جنگی بنیات آنی پد ءَ کار کنگ ءَ انت۔ آئی ءَ گوشت کہ کورونا وائرس ءَ چہ رکھینگ ءِ واستہ توامیں آسراتی آناں کارمرد کنگ بوھگ ءَ انت۔
