اسلام آباد ۔ 18 مارچ (اے پی پی) ورلڈ بنک ءُ ایشیائی دیمروئی بنک ءَ پاکستان ءَ را کورونا وائرس ءِ ھلاسی ءِ واستہ ھواریں رنگ ءَ 588 ملین ڈالر پجارین ایت۔ چار شمبے ءَ وزارت ءِ منصوبگ بندی ءَ چیئرمین پلاننگ کمیشن جہانزیب خان ءِ سروکی ءَ کورونا وائرس ءِ ھوالگ ءَ دیوان ءِ برجم دارگ بوت۔ دیوان ءَ ورلڈ بنک ءُ ایشیائی دیمروئی بنک ءِ کنٹری ڈائریکٹرز آں بھر زوری کت۔ میاں اوستمانی اقتصادی ادارگ ھواریں رنگ ءَ 588 ملین ڈالر پجارین انت۔ کورونا وارئرس ءِ ھلاپ ءَ “پاکستان قومی ایمرجنسی پلان” ءِ منظوری دیگ بوت۔ راجی ایمرجنسی پلان ءِ چیر دستی ءَ سرجمیں ملک ءَ آئسولیشن ھمک روچ ءِ برجا کنگ ءِ واستہ فنڈز پجارینگ بیت۔ سرجمیں ملک ءَ کورونا وائرس ءِ نگرانی ءَ را جوانیں رنگے دیگ بیت۔ سرجمیں ملک ءَ کرورنا وائرس ءِ گر ءُ دار ءِ واستہ گیشیں سامان پجارینگ بیت۔ کورونا وائرس ءِ مریز آنی واستہ وینٹیلیٹرز ھم پجارین بیت۔ ہیلتھ ٹیمز ءُ جان سلامتی کارندہ آنی واستہ رکھینگی گد ءُ پچ پجارینگ بیت۔ اے گامگیج آنی واستہ ورلڈ بنک 238 ملین ڈالر پجارین ایت۔ ایشیائی دیمروئی بنک 350 ملین ڈالر پجارین ایت۔
