ڈیرہ غازی خان ۔ 18 مارچ (اے پی پی) مزن وزیر عمران خان ءَ چار شمبے ءِ روچ ءَ اسیتیں سینٹرل کمانڈ روم ءِ تر ءُ تاب کت ادا آرا زیارتی مردم آنی آیگ ، کورونا وائرس ءِ ھوالگ ءَ سکریننگ ، نندھ جاہ، ورگی بست ءُ بند ءُ جتا جتائیں گامگیج آنی ھوالگ ءَ بریفنگ دیگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ڈی جی خان ءَ قرنطینہ بنجاھ ءِ تر ءُ تاب کت ءُ زیارت کنوکیں مردم آں چہ ھال پرسی کت۔ زیارتی مردم آں مزن وزیر ءِ آیگ ءِ پد ءَ گل ءُ شاتی ءُ آسراتی ءِ پجاری ءِ ھوالگ ءَ دل یکیمی ءِ درشان کت۔ اے موہ ءِ سر ءَ سر وزیر پنجاپ عثمان بزدار، مزن وزیر ءِ ھاسیں کمکار برائے جان سلامتی ڈاکٹر ظفر مرزا، چیئرمین این ڈی ایم اے، مزن وزیر ءِ ھاسیں کمکار معید یوسف ءُ شہباز گل ھم ساڑی ات۔
