پاکستان ءُ ایران ءَ را کورونا وائرس ءَ گوں گر ءُ چیل بوھگ ءِ واستہ وت مہ وتی کمک آناں گیش ودینگ لوٹ ایت
اسلام آباد ۔ 18 مارچ (اے پی پی) بنجاھی وزیر برائے ہوابازی غلام سرور خان ءَ گوشت کہ پاکستان ءُ ایران ءَ را کورونا وائرس ءَ گوں گر ءُ دار ءِ واستہ وت مہ وتی کمک آناں گیش ودینگ لوٹ ایت۔ آئی ئَ اے گپ چار شمبے ءِ روچ ءَ ایوی ایشن ڈویژن ءَ پاکستان ءَ ایران ءِ سفیر سیدّ محمد علی حسینی ءَ گوں گند ءُ نند کنان ءَ گوشت۔ آئی ءَ گوشت کہ ایران ءِ نیمگ ءَ کورونا وائرس ءَ گوں گر ءُ چیل بوھگ ءِ واستہ گامگیج چست کنگ ءِ ھوالگ ءَ ساڑات۔ بنجاھی وزیر ءَ گوشت کہ پاکستان ءُ ایران پڑ ے روژنائیں باندات ءِ واستہ کلیتی کرد ءَ پیلو کن انت۔ بنجاھی وزیر ءَ کورونا وائرس ءِ گر ءُ دار ءِ واستہ دوئیں ملک آنی نیام ءَ جان سلامتی شور ءُ سلاھ ھم پیش کت۔ ایرانی سفیر ءَ پاکستان ءُ ایران ءِ نیام ئَ براتی یکوئی آناں گیش مھکم کنگ ءِ ضلورت ءِ سر ئَ زور دات ءُ گوشت کہ دوئیں ملک آنی نیام ءَ تجارت ءِ دراج بریں موہ است انت ایشاناں کارمرد کنگ ءِ ضلورت انت۔ سیدّ محمد علی حسینی ءَ گوشت کہ ایران ءَ کورونا وائرس ءِ گر ءُ دار ءِ ھاترا ترندیں گامگیج کتگ۔ آئی ءَ گوشت کہ ایران ءِ کراّ جوانیں جان سلامتی سامان ءُ باسک است انت ، آ اے ھوپ ءَ را گر ءُ دار کنگ ءِ واستہ ٹوھیں جہد کنگ ءَ انت۔
