اسلام آباد ۔ 18 مارچ (اے پی پی) مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان ءَ چیف سیکرٹری ءُ آئی جی پنجاپ ءَ را امبار جوڑ کنوک ءُ ناجائزیں سیت گروک آنی پجار ءُ ایشاناں سزا دیگ ءِ ھوالگ ئَ گامگیج کنگ ءِ پنت ءُ شون کتگ۔ اے مشکلیں جاور ھال آنی تہ ءَ ھما مردم امبار جوڑ کنگ ءَ گرگ بہ بنت آواناں گرگ بہ بیت۔ چار شمبے ءِ روچ ءَ وتی ٹویٹ ءَ مزن وزیر ءِ ھاسیں کمکار ڈاکٹر فردوس عاشق اعوان ءَ گوشت کہ مزن وزیر ئَ ڈیرہ غازی خان ءِ سینٹرل کنٹرول روم ءَ ایران ءَ چہ آیوکیں زیارت کنوکیں مردم آنی واستہ قرنطینہ ءَ کتگیں گامگیج آنی چار ءُ تپاس گرگ بوت، قرنطینہ ءَ استیں زیارتی مردم آنی ھال پرسی کت ءُ پنجاپ ءَ کورونا وائرس ءِ استیں جاور ھال آنی بابت ءَ دیوان ءِ سروکی کت۔ چیف سیکرٹری پنجاپ ءَ صوبگ ءَ کورونا وائرس ءِ ھوالگ ءَ جاور ھال آنی بابت ءَ بریفنگ دات۔ مزن وزیر ءَ پنت ءُ شون کت کہ ھمک روچ ئَ استیں وھد ءُ پاس ءِ تہ ءَ مردم آناں سرپد کنگ بہ بیت کہ جاور ھال آناں چتور گر ءُ دار کنگ واستہ انتظامی کنگ بوھگ ءَ انت۔ مزن وزیر ءَ گوشت کہ مردم آناں آسراتی ءِ پجاری ءِ ھوالگ ءَ ھمک رنگیں گامگیج چست کنگ بہ بیت ءُ آئی ءَ را اے ھوالگ ءَ سرپد کنگ بہ بیت۔ پناہ گاہ آنی تہ ئَ ڈیلی ویجرز آنی آسراتی ءِ پجاری ءَ ھوار سکریننگ ءِ انتظامی کنگ ءِ پنت ءُ شون دات۔
