لاہور۔18مارچ(اے پی پی) وزیرمحنت و انسانی وسیلہ پنجاب انصر مجید خان اینو سوشل سیکورٹی ٹیچنگ ہسپتال ملتان چونگی نا دورہ ءِ کرے۔ داوخت آ او غٹ ایم ایس خواجہ غاتے ہسپتال آتے ٹی سفائی ءِ پک کننگ نا پارت کرے۔ اوپارے کہ سوشل سیکورٹی ہسپتال آتے ٹی کورونا وائرس نا مشتبہ بندغ آتے کن آئیسولیشن وارڈز جوڑ کننگانے و سوشل سیکورٹی ہسپتال آتے ٹی کارندہ و اوفتا خاہوت ءِ گچین طبی آسراتی فراوان کننگ انگ ءِ۔ اوکورونا وائرس نا مشتبہ بندغ آتے کن جوڑ کروک قرنطینہ سینٹر، لیب و کارڈیک ایمرجنسی نا دورہ ءِ ہم کرے۔ داوخت آ ایم ایس سوشل سیکورٹی ٹیچنگ ہسپتال اودے کورونا وائرس نا مشتبہ بندغ آتے کن جوڑ کروک قرنطینہ وارڈ انا طبی آسراتی تا بارواٹی معلومدار کرے۔ اوپارے کہ صوبہ نا بھلا ضلع غاتے ٹی کارندہ آتا آسراتی تا خاطر پین سوشل سیکورٹی ہسپتال تفنگ انگ ءِ، مشکل یا فریشانی اسے ٹی مزور آتے تنیا الیپنہ۔ داوخت آ سیکرٹری لیبر سارہ اسلم، کمشنر پیسی تنویر اقبال و ایم ایس ہسپتال ئسک ہم ساڑی ئسر۔
