اسلام آباد۔ 18مارچ(اے پی پی)پارلیمانی سیکرٹری ڈٹ بندی، شونداری و اصلاحات و خصوصی گام گیج کنول شوذب پارینے کہ وزیراعظم عمران خان نا کماشی ٹی حکومت کورونا وائرس نا توننگ کن پبی گام گیج کننگ ءِ، کوروناوائرس آن رکھ مننگ نا تدابیر اٹ غٹ آن اہم تینا دوتے باقاعدگی اٹ بیست آن چل سیکنڈ اسکان سلبو، ہم گام اسہ ایلو تون دو و خمب ہلنگ آن پاناد کننگ، و جکہ زکام نا دروشم اٹ اسہ میٹراسکان مُر سلوئی ءِ۔ چارشنبے نادے آ تینا ٹویٹ اٹی اوپارے کہ ہر اسٹ ءِ ماسک بیننگ نا گرج اف ولے ہمو بندغ آک ماسک بینر ہرا کورونا وائرس آن زہمی مریر، اوپارے کہ ڈاکٹرز و ایلو جان جوڑی نا عملہ ہرا کورونا وائرس نا مریض آتا خیالداری ءِ کیرہ و ماسک بینر۔
