بنجاھی کابینہ ءَ کرونا وائرس ءِ گر ءُ دار ءِ واستہ توامیں کلانہ ءُ سسا ساچ آنی گوما شور ءُ سلاھ ءَ چہ پد نماز ءِ آدینگ ءِ گشتانک خطبہ ءُ جماعت ءِ گوما نماز آناں لُک کنگ، دست ملارینگ ءُ امباز کنوکائی بند کنگ ، 21 مارچ ءَ چہ میاں اوستمانی بالیگ آنی روگ ءُ آیگ برجا کنگ، شکر ءِ ڈکال ءِ پٹ ءُ پول آئی ایس آئی ءُ سٹیٹ بینک ءِ نماھندگ آناں ھوار کنگ، آیوکیں مالی سال ءِ واستہ بجٹ اسٹریٹیجی پیپر ءِ منظوری دات
اسلام آباد ۔ 17 مارچ (اے پی پی) بنجاھی کابینہ ءَ کرونا وائرس ءِ گر ءُ دار ءِ واستہ توامیں سسا ساچ آنی گوما شسر ءُ سلاھ ءَ چہ پد آدینگ ءِ گشتانک خطبہ ءُ جماعت ء، گوما نماز آناں لک کنگ، دست ملارینگ ءُ امباز کنوکارئی بند کنگ، 21 مارچ ءَ تربت ءُ گوادر ءَ ابید توامیں میاں اوستمانی ائیر پورٹس آنی سر ئَ میاں اوستمانی بالیگ آنی روگ ءُ آیگ ءَ را برجا کنگ، شکر ءِ ڈکال ءِ پٹ ءُ پول ءَ آئی ایس آئی ءُ سٹیٹ بینک ءِ نماھندگ ھوار کنگ ءُ آیوکیں مالی سال ءِ واستہ بجٹ اسٹریٹیجی پیپر ءِ منظوری داتگ، بجٹ ءِ ھرچ ءُ درچ آناں اول سرئی کار ڈیفنس ءُ سیکورٹی ءَ ابید احساس ءُ چاگردی رکھینگ ، پبلک سیکٹر ڈویلپمنٹ پروگرام، سرکاری ملازم آنی پگار ، ہائوسنگ ءُ نوکیں پاکستان ءِ چیر دستی ءَ جتا جتائیں گامگیج، فوڈ سیکورٹی، ہیلتھ، ہائر ایجوکیشن، ٹورازم ءُ ایندگر ھوار انت، بجٹ ءَ سرکاری مزدگر آنی ٹپ آنی سر ءَ درمان ایر کناں، مزن وزیر ءَ پنت ءُ شون کت کہ سرجمیں دگنیا ءَ استیں توامیں پاکستانی آناں ھمک رنگیں کمک پجارینگ بہ بیت، مزن وزیر عمران خان ءِ سروکی ءَ بنجاھی کابینہ ءِ دییوان برجم داشت۔ دیوان ءَ چہ مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ بنجاھی وزیر نیک راھی کار پیر نور الحق قادری، بنجاھی وزیر بالی پڑ غلام سرور خان ءُ چیئرمین اسلامی نظریاتی کونسل ڈاکٹر قبلہ ایاز ءِ ھمبراھی ءَ میڈیا ءَ را بریفنگ دیان ءَ گوشت کہ قومی سلامتی ءُ الس ءِ گہبود ءِ ھوالگ ءَ کابینہ ءَ ارزشتی ایں پیسلہ کتگ، ھاسیں رنگ ءَ گلوبل وائرس ھمائی ءَ دگنیا ءَ را وتی گوما پتاتگ۔ مزن وزیر عمران خان زوت اے راج ءَ را اے ھوپ ءِ بابت ءَ گوں وت تپاکی ءَ زور ایت، مزن وزیر ءَ وتی گشتانک ءِ نکتہ نکتہ کابینہ ءِ دیم ءَ شیئر کت۔ مزن وزیر ءَ پنت ءُ شون کت کہ سرجمیں دگنیا ءَ استیں توامیں پاکستانی آناں ھمک رنگیں کمک پجارینگ بہ بیت۔
