مچ آ ملک اٹی ملٹری ہسپتال تیٹی کرونا وائرس نا تشخیص کن ٹیسٹنگ لیبز، اے ایف آئی پی راولپنڈی ٹی سینٹرل ٹیسٹنگ لیب اس جوڑ، فاسٹ ٹریک ہینڈلنگ کن ہر ملٹری ہسپتال ٹی کوویڈ۔19ہیلپ ڈیسک اس ہم جوڑ کننگا

راولپنڈی۔ 17مارچ(اے پی پی) قومی کوشست نا اسہ بشخ اسے نا وڑاٹ و 13مارچ آ نیشنل سیکورٹی کمیٹی نا فیصلہ غاتا رداٹ سلہہ بند فوج انا غٹ طبی مرکز آک فعال ءُ و جہانی دَین اتون مون تننگ کن پورو وڑاٹ تیار ءُ۔ پاک فوج انا شعبہ تعلقات عامہ (آئی ایس پی آر) نا رداٹ مچ آ ملک انا ملٹری ہسپتال آتے ٹی کوروناوائرس نا ٹیسٹ اکن ٹیسٹنگ لیبز و راولپنڈی نا آرمڈ فورسز انسٹی ٹیوٹ آف پتھالوجی (اے ایف آئی پی) ٹی سینٹرل ٹیسٹنگ لیب اس جوڑ کننگانے، فاسٹ ٹریک ہینڈلنگ کن ہر فوجی ہسپتال اٹی کوویڈ۔19ہیلپ ڈیسک اس ہم جوڑ کننگانے۔ پاکستان نا سلہہ بند فوج کورونا وائرس آن پد آن ودی مروک آ حالیت آتون مون تننگ کن حکومت و صوبائی انتظامیہ تون پورو کمک کننگ ءِ و حالیت آتابابت آن پورو وڑاٹ چوکس ءِ۔ بری فوج انا سروک جنرل قمر جاوید باجوہ غٹ کمانڈرز آتے پارت کرینے کہ او پاکستانی الس نا رکھ و راجی آسراتی کن سول انتظامیہ تون کمک کن غٹ تر گام گیج کیر۔