اسلام آباد۔ 17مارچ(اے پی پی) وزیراعظم عمران خان پارینے کہ کورونا وائرس آن شون ہلوک ملک آتا زرگزرانی بھسکاری نا گواچی مننگ کیرہ، شون ہلوک ملک آک پاکستان کون آ شون پذیر ملک آتا گڑاس وام تے بشخنگ آ سجفر، اگہ کوروناوائرس تالان مریک تو ننے جان جوڑی نا آسراتی تا بابت ویل آتون مون تروئی مریک۔ سیاسی اختلاف یا اقتصادی فائدہ غاتے اسہ کنڈآ تخسا انسانی بنداو تیا کورونا وائرس نا تالانیءِ توننگ نا گرج ءِ، ایران آ امریکی پابندی تے چٹفنگے، بھارت نا ہندو قوم پرست حکومت شہریت نا پوسکن آ جھیڑہ ئی کانود نا کمک اٹ لکھ آ خلقت نا شہریت ءِ خطرہ ٹی بٹینے، اوغان صدر اشرف غنی نا پاکستان نا بابت بیان آک مایوس کن ءُ۔ اوامن عمل ءِ مون آ دننگ کن پاکستان نا خذمت آتا بایدے ستاءِ کروسس، سے شنبے نادے آ امریکی خبر رساں ادارہ ایسوسی ایٹڈ پریس ءِ تینا اسہ انٹرویو اسے ٹی وزیراعظم پارے کہ اگہ پاکستان اٹی کورونا نا ویل شدت اختیار کیک تو داڑآن حکومت نا کنڈآن خراب زرگزران ءِ گچین کننگ نا حکومتی کوشست آتا زہمی مننگ، برآمد آتے ٹی کمتی، بے روزگاری ٹی ودکی و وام تا بھاریم نا ودنگ نا گڑتی ءِ۔ اوپارے کہ داوڑنا حالیت نئے بیرہ پاکستان بلکن برصغیر اٹی بھارت و افریقی ملک آتے کن ہم مننگ کیک۔ اوپارے کہ اگہ کوروناوائرس تالان مریک تو ننے جان جوڑی نا آسراتی تا بابت ہم ویل آتون مون تروئی تمک انتئے کہ دا بابت ننا کچ و نن تون وسیلہ غاتا کمتی ءِ۔ عمران خان دے ٹکی نیامی ٹی کوروناوائرس نا تالانی ءِ توننگ کن ایران نا برخلاف امریکی پابندی تے ہرفنگ نا ہم خواست کرے۔ اوپارے کہ پاکستان اٹی کورونا وائرس نا زیات تر مریض ایران آن بسر و ایران اسہ ہندن ءُ مثال اسے نا وڑاٹ ساڑی ءِ ہراڑے سیاسی اختلاف یا اقتصادی فائدہ غاتے اسہ کنڈ تخسا انسانی بنداو تیا کورونا وائرس نا تالانی ءِ توننگ نا گرج ءِ۔ اوپارے کہ کیہی عشرہ غاتیان بھارت نا کنڈآن مسلمان تیا برجا بیدادی آ گڑتی نا درشانی ءِ کرسا وزیراعظم پارے کہ بھارتی وزیراعظم نا ہندو قوم پرست حکومت شہریت نا پوسکن آ جھیڑہ ئی کانود نا کمک اٹ لکھ آ خلقت نا شہریت ءِ خطرہ ٹی بٹینے۔ اسہ انتہاپسند و نسل پرست جماعت اس ہرا نسلی بالادستی آ باور کیک۔ او ایٹمی سلہہ تخوک آ اسہ ارب آن زیات آبادی نا ملک آتیا غلبہ دوئی کرینے۔ وزیراعظم پارے کہ او اقوام متحدہ ٹی ہم بھارتی وزیراعظم نریندر مودی نا ہندو قوم پرست حکومت نا کنڈآن خطرہ و بھارت اٹی ودوک آ ہندو قوم پرسیتی نا سوب آن دے ٹکی سیم انا ایلو کنڈآ بیدادی نا واقعہ غاتا بارواٹی خبڑدار کریسس۔ بھارت نا شہریت نا پوسکن آ کانود اسلام آن بیدس سویلی ایشیاء نا غٹ بھلا مذہب آتا درملکی نژاد مذہبی اقلیت آتے ترند رفتار شہریت تننگ نا عمل ءِ وخت اس کہ ہموڑے مسلمان تا کچ کم و ود 28کروڑ ءِ۔ وزیراعظم ہمسایہ ملک اوغانستان نا صدر نا ساڑی بیان ہرافتے ٹی ہندن ءُ دوبہ غاتا حوالہ ءِ تننگاسس کہ پاکستان مستین اٹی تینا مسخت آتے کن عسکریت پسند آتا کاریم اٹ ایس، آ تنقید کرے۔ وزیراعظم اوغان صدر اشرف غنی نا بیان تے مایوس کن گوندسا پارے کہ اقتدار ءِ سنبھالنگ آن پد آن اوامریکہ تون اواری اٹ اوغانستان اٹی امن معاہدہ کن کوشست کرے۔ انتس کہ مرے، اوغان صدر پاکستان نا امن عمل ءِ مون آ دننگ نا وڑوڈول انا ستاءِ کروسس۔ وزیراعظم پارے کہ دہشت گردی نا برخلاف جنگ اٹی پاکستان نا شمولیت نا ہمیشہ مخالفت ءِ کرے و اودے پاکستانی الس نا جان و پیسہ غاتا زیان گوندا۔
