کورونا وائرس ءَ چہ نجات ءِ کوشستاں اللہ ءَ چہ مددءُ کمک لوٹگءِ ھاترءَ ایوان صدرءَ حاسیں دعائی دیوان
اسلام آباد۔ 17 مارچ(اے پی پی) ملکءَ کورونا وائرس ءَ چہ نجات دیئگ ءِ کوشستاں اللہ ءَ مددءُ کمک لوٹگ ءِ ھاترءَ ایوان صدرءَ حاسیں دعائی دیوان برجم دارگ بوتگ۔ ایوان صدرءَ چہ جاری بیان ءِ ردءَ اے موہءَ دعا کنگ بوتگ کہ اللہ تعالیٰ ملکءَرا چہ کورونا وائرس ءَ محفوظ بہ کنتءُ آماچیں مردماں زوتاں چہ زوت جانءُ سلاتی بہ دنت۔ دعائی دیوانءَ قائم مقام صدر محمد صادق سنجرانی ، مذہبی کارانی بنجاہی وزیر پیر نورالحق قادری ءُ سینیٹرز شبلی فراز، جاوید عباسی، سجاد طوری، منظور کاکڑ، روبینہ خالد، ستارہ ایاز، رخسانہ زبیری ءُ اور نگزیب خان ہوار بوتگ اَنت۔ اے موہ ءَ ھیالءُ لیکہءِ درشانی کتگءُ قائمقام صدر محمد صادق سنجرانی ءَ گشتگ کہ مردماں کورونا وائرسءَ چہ رکینگءِ ھاترءَ پرہیز کنگ لوٹ ایت۔ آئیءَ عالمءُ میڈیا ءِ سرءَزورپِر داتگ کہ آ اے وبا ءَ چہ رکینگ ءِ ھاترءَ مردماں زانتءُ سرپدی دیئگءَوتی کردءَ پیلو بہ کن اَنت۔
