اسلام آباد۔17مارچ(اے پی پی) سپریم کورٹ ءَ سندھ پولیس ءَ غیر قانودی بھرتی آنی حلاپءَ جم کتگیں دزبندی ءِ سرءَ چیف سیکرٹری سندھ ءَ چہ دوہفتگاں رپورٹ لوٹ اِتگ۔ سے شمبےءِ روچءَ چیف جسٹس گلزار احمد ءِ سروکی ءَ سے باسکی بینچ ءَ سندھ پولیس ءَ غیر قانودی بھرتی آنی حلاپءَجم کتگیں دزبندی گوش داشتگ۔ چیف جسٹس گلزار احمد ءَ سندھ حکومتءِ نیمگءَ چہ نمائدگ پیش نہ بوہگءَ برانز گپتگ۔ دزبندی کنوکءِ وکیل غلام نبی کیریو ءَ گشتگ کہ سندھ ءَرا کورونا ءِ وباءَ پریشان کتگ۔ ایشیءِسرءَ چیف جسٹس ءَ گشتگ کہ کورونا وائرس اِدءَ نیست زانا؟ چیف جسٹس ءَ گشتگ کہ غیر قانودی بھرتی آنی جرمءَ جہل ءِ درجگءِ ملازم آناں سزا دیئگ بوتگ۔ بھرتی کنوک وا نشتگ اَنت۔ آمید گس ءَ چیف سیکرٹری سندھ ءَ چہ رپورٹ لوٹ اِتگ ءُ کیس ءِ گوشدارگ تاں دو ہفتگانی ھاترءَ مھتل کتگ۔
