کورونا وائرسءَ چہ رکینگءُ پرہیز ءِ ہوالگءَ ھیالءُ لیکہ ءِ درشانی
اسلام آباد۔17مارچ(اے پی پی) مذہبی کارانی بنجاہی وزیر میاں مشتاق بورانہ ءَ گوں دینی راہشون مولانا طارق جمیل ءَ گندءُنند کتگ ۔ گندءُ نندءَ کورونا وائرس ءَ چہ رکینگ ءُ پرہیز ءِ ہوالگءَ ھیالءُ لیکہ ءِ درشانی کنگ بوتگ۔ سے شمبے ءِ روچءَ مذہبی کارانی جارچین ءِ گشگءِ ردءَ اے موہءَ مذہبی کارانی بنجاہی سیکرٹری میاں مشتاق بورانہ ءَ مولانا طارق جمیل ءَ گوں گپءُ تران کتگءُ گشتگ کہ حج کنوکاں پرہیز ءُ رکینگ ءِ ھاترءَ حکمت عملی جوڑ کنگءَ اَنت۔ عالم آں اُلس ءَرا سرپدی دیئگءِ ھاترءَ دائم ءَ جوانیں کرد پیلو کتگ۔ مولانا طارق جمیل ءَ گشتگ کہ سپائی ایمان ءِ بر اِنت، ایشی ءَ را وتی زندءِ بر جوڑ کنگ بہ بیت۔ اے وبا شنگ بوتگ یکے دومیءَ گوں گندءُ نند کنگءِ وہدءَیکے دومی ءَ گوں وتءَ را کمو گستا بدار اِت، اسلام اے چیزءَ چہ مکن نہ کنت۔ آئی ءَ گشتگ کہ حاجی آں آسراتی دیئگءِ ہوالگءَ پاکستانءُ سعودی حکومت ءِ گامگیج لکھ ستاہ کرز اَنت۔ حج کنوک مذہبی کارانی وزارت ءُ سعودی ادارگانی پنتءُ شونءِ سرءَ ترندیءَ عمل بہ کن اَنت۔
