اسلام آباد۔ 16مارچ(اے پی پی) سینئر حریت راہشون یاسین ملک نا اُرائی مشعال ملک پارینے کہ مقبوضہ کشمیر ءِ ہم کورونا وائرس تینا پلویڑ اٹی ہلکونے، کشمیری تتون درمان نا آسراتی اف، جہانی برادری و ورلڈ ہیلتھ آرگنائزیشن ءِ کشمیر اٹی ہلہلہ ئی وڑاٹ کشمیر اٹی تینا ٹیم تے گدریفر۔ کشمیری پنچ اگست 2019ء آن پد تینا اُراتیٹی بند ءُ، بھارت کشمیری تیان حوال نا رسینگ ءِ ہم پلانے۔ کشمیری تا دنیا تون رابطہ مفننگ ءِ ، کشمیراٹی دوائی و ڈاکٹر آتا کاختی ءِ۔ دوشنبے نادے آ تینا اسہ بیان اسے ٹی اوپارے کہ کشمیری تا دنیا تون رابطہ بند ءِ۔ بھارتی حکومت کشمیری تیان درمان نا آسراتی تے ہم پلانے۔ دنیا و ورلڈ ہیلتھ آرگنائزیشن کشمیر اٹی ہلہلہ ئی وڑاٹ کشمیر اٹی تینا ٹیم تے گدریفر۔ کورونا وائرس نا سوب مچ آ دنیا ٹی ایمرجنسی خلوک ءِ۔ مشعال ملک پارے کہ اینو دنیا کشمیر اٹی لاک ڈاؤن نا تکلیف ءِ جوان پہہ مریک۔ مقبوضہ کشمیر اٹی کورونا وائرس نا سوب آن زوال کروک آتے ٹی ودکی مننگ کیک۔ اقوام متحدہ کشمیر نا حالیت آتا جاچ ءِ ہلنگ کن ٹیم اس جوڑ کے۔
