اسلام آباد۔ 16مارچ(اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسد عمر پارینے کہ چین پاکستان اقتصادی راہداری (سی پیک) ڈٹ انارداٹ کشت وکشار و سائنس و ٹیکنالوجی نا 2پوسکن آ ورکنگ پڑک آتا جوڑ کننگ کن مفاہمت نا یات داشت آتیا دستخط اینو سے شنبے نادے آ مریک۔ دوشنبے نادے آ تینا ٹویٹ اٹی اوپارے کہ دا ہڑتوم آ بشخ آتا گچینی کن حکومت اولیتی گام گیج کننگ ءِ۔ مفاہمت نا یات داشت آتارداٹ چین وپاکستان نا حکومت داہیت آ باور کیرہ کہ سی پیک چندی بشخ آتے ٹی کمکاری نا مون آدننگ و پوسکن آ ڈٹ آتا کمک اٹ ودکی نا پوسکن آ مرحلہ ٹی پترینگانے۔
