اسلام آباد۔ 16مارچ(اے پی پی) قائم مقام صدر محمد صادق سنجرانی ملک اٹی کورونا وائرس نا ودوک آ دَین انا تالانی ءِ توننگ کن رکھی پاریزگری اختیار کننگ آ زور شاغسا تینا ویڈیو کلہو اٹی پارینے کہ دا ننا غٹ انا راجی زمواری ءِ کہ زیات آن زیات پاریز گری اختیار کین و ہن و بر ءِ اخس کہ مننگ کرے کچ اٹ کننگے و اسہ ایلو تون دوملفنگ و خمب ہلنگ آن پاناد کین۔ زرس مُر سلسا ہیت و گپ کین ۔ اوپارے کہ پاریزگری اختیار کرسا دا موذی دین آن تینے و تینا خاہوت ءِ بچفنگ مریک۔ محمد صادق سنجرانی مچ آ قوم آن خواست کرے کہ (اینو) سے شنبے نادے 17 مارچ 2020 سہب انا دہ ءُ نیم بجہ اللہ تبارک تعالی آن یکجا و یک زبان مرسا دعا کین۔ قائم مقام صدر محمد صادق سنجرانی پارے کہ پاریز گری اختیار کننگ کرونا وائرس نا ودوک آ گڑتی نا رداٹ المی مسنے۔

متعلقہ مضامینمصنف کی طرف سے مزید