اسلام آباد۔ 16مارچ(اے پی پی) صدر مملکت ڈاکٹر عارف علوی پارینےکہ اونا دورہ چین نا مسخت کورونا وائرس نا رداٹ پاکستان نا کنڈآن چینی حکومت و الس تون یکجہتی نا درشانیءِ کننگ نا ءِ۔ دوشنبے نادے آ چین نا اِرادے ئی دورہ غا روانہ مننگ آن مست صدر مملکت پارے کہ اودے دا دورہ نا سلہ ءِ اونا چین ہم منصب شی جن پنگ خلکونے۔ چین دا مشکل وخت اٹی پاکستان نا کنڈآن کمک و اوڑآکروک آ پت آ منت واری ءِ ہرفنگ خواہک۔ اوپارے کہ چین کورونا نا بھلو دَین اسے نا مقابلہ ءِ کرینے ہرانا نن ستاءِ کینہ۔ صدر مملکت پارے کہ نن ہم چین انا آزموندہ غان ہیل کرسا کورونا نا دَین آن بچنگ کن پین گام گیج کینہ۔ اوپارے کہ دادورہ ٹی او کورونا نا دَین آن چین اٹی مروک آ جانی نسخان آ چینی سرکڑدہ غاتون ہڑزخواہی نا ہم درشانیءِ کیک۔
