لاہور۔14مارچ(اے پی پی )گورنر پنجاب چودھری محمد سرور ءَ گوشت کہ اپوزیشن کورونا وائرسءِ سرا سیاست ءَ مہ کن ایت،حکومتی ادارگہان گوں پج ھوار بہ بیت۔زند ءِ تہ گرانیں وھد آھگ انت،انسداد کورونا وائرس ءِ ھاترا سیاسی ءُ مذہبی گلانی ھوار دراھاں را یکجاھ بوھگ بہ بیت،کجام ادارگءِ تہ سیاسی دست مانجنی ءِ جست پیدا مہ بوھگ انت، آئین ءُ کانود ءِ حاکمی ہمک دروشم سدکی جوڈ کنگ بیت۔آں ہپتگ ءِ روچ ءَ گورنر ہاوس لاہور ءِ تہ باسک پنجاب اسمبلی سعید احمد سعدی ءُ تحریک انصاف ءِ نائب صدر چوہدری اشفاق ءِ ھوار دگہ ءِ راھشونی ءَ گند ءُ نند کنوکیں ڈل ءَ گوں گپ ءُ تران کنگ ات۔ گورنر پنجاب ءَ گوشت کہ حکومت انسداد کورونا وائرس ءِ ھاترا دراھیں وسیلگ کارمرز کنگ انت ءُ دراھیں حکومتی ادارگ اے کرونا وائرس ءِ گرودارءِ ھاترا سرجمیں وڈءَ الرٹ انت۔آہاں گوشت کہ مہلوک ءِ رکھگ ریاست ءِ زمہ واری انت ءُ حکومت ہمک دروشم ءَ وتی زمہ واری پیلو کن ایت۔آہاں گوشت کہ حکومت ءَ گوں ھوار دراھیں شوبگ ءَ گوں سیادی داروکیں مردم ءَ را ھم لوٹ ایت کہ آں کرونا وائرس ءَ چہ رکھگ ءِ ھاترا مہلوک ءَ را گیشاں گیش سرپدی پھجارگ ءِ تہ وتی کرد ءَ ادا کنا یت۔ ا انشاءاللہ مہ دراھ یکجاھ انت۔ گور نر پنجاب ءَ گوشت کہ تحر یک انصاف ءِ حکومت پیسرءِ روچ ءَ گوشتگ ات کہ مہ سیاسی انتقام ءِ سرا سدکی ءَ نہ ایر کنگ اوں ، ہمہ نیب ءِ ھوار دراھیں ادارگہاں را سرجمیں وڈءَ آزات کنگ اوں،ءُ ادارگہاںی تہ سیاسی دست مانجنی ھلاس کنگ اوں، مہ ایوکا آئین ءُ کانود ءِ حاکمی ءَ را سدکی جوڈ کنگ اوں پرچہ کہ ایشی ءَ چہ ملک ءُ ادارگ سوگو بنت۔ اآہاں گوشت کہ کرپٹ سیاسی مردم ءَ را راج دپتر ءُ راج کدی پہلی نہ دات۔آہاں گوشت کہ ملک ءَ را معاشی وڈ ءَ سوگو کنگ ءِ ھاترا کرپشن وڈءِ ناسورءَ را بُن چہ ھلاس کنگی انت ایشی ءِ ھاترا حکومت نیک نیتی ءَ گوں کار ءَ کنگ انت۔
