اسلام آباد ۔ 14 مارچ (اے پی پی) افغان ڈل ءَ امریکہ طالبان ءِ سرا وتی تحفظات ءِ درشان کتگ امریکہ طالبان امن معاہدہ ءِ ھوالہ گوں وتی تحفظات ءِ درشان کنان ءَ امیت ءِ درشان کنان ءَ امیت کتگ کہ پاکستان گوستگیں دو دھکانی تہ حاصل بوتگیں جمہوری اآجوئی ءِ رکھگ ءِ ھاترا طالبان ءَ را راضی کن ایت۔اے ھیالانی درشان اوگان ڈل ءَ پاکستان ءِ تروتاب ءِ تہ مزن وزیر ءِ ھاسیں کمکار برائے نیشنل سیکیورٹی ڈویژن ڈاکٹر معید یوسف،سینیٹر شبلی فراز ءُ سیکرٹری خارجہ سہیل محمود ءِ گوما گندءُنندانی تہ کتگ ات۔اوگان ڈل ءِ تہ زالبول پارلمنٹیرین فوزیہ کوفی،پیسریگیں گورنر ننگر ہار سلیم قندوزی ءُ پیسریگیں ڈپٹی وزیر بیئپار مزمل شنواریءَ ھوار ات۔اوگان ڈل ءَ اسلام آباد ءِ تہ ملٹری ءُ سول واکدارءَ گوں گند ءُنند کگ ات۔گند ءُ نند ءِ تہ اوگانستان ءِ تہ امن ءُ ایمنی ءِ برجاہی ءُ دودیمی سیادی ءَ را مھکم کنگ ءِ باروا معاملہانی سرا باست ءُ واست کنگ بوتگ۔سیکرٹری خارجہ سہیل محمود ءُ ڈاکٹر معید یوسف افغان ڈل ءَ را سرپد کنان ءَ گوشت کہ پاکستان ءِ وت واکی ،جمہوری ءُمتحد افغانستانءِ پلہ مرزی ءُ احترام کنگ انت ءُ اوگانستان ءِ ہمک ممکن کمک برجاہ دارایت۔آہاں گوشت کہ پاکستان دوحہ امن معاہدہ ءِ پدا انٹرا اوگان گپ ءُ تران ءِ ھاترا پُرجزم انت۔اوگان ڈل ءَ را امن عمل ءَ را ھراب کنوکاں چہ خبردار ھم کتگ۔سیکرٹر ی خارجہ ءَ امیت ءِ پدرائی کتگ کہ میاں اوستمانی براتری اوگان مفاہمتی عمل ءِ پلہ مرزی برجاہ ایر کن ایت۔ معید یوسفءَ گوشت کہ مہلوک ءِ میان ءَ رھوت ءُ ایشی ءِ پراھی دوئیں ملکانی میان ءَ یکجاھیں رھوت ءَ را گیش مھکم کن ایت۔ افغان ڈل ءَ گوں شبلی فراز ءَ وتی چیمبر ءِ تہ گند ءُ نند کتگ۔سینیٹر فراز ءَ ڈل ءَ را پارلیمنٹ ءِ نیمگا چہ ہمک ممکن پلہ مرزی ءُ کمک ءِ سدکی داتگ۔
