اسلام آباد ۔ 14 مارچ (اے پی پی)اسپیکر قومی اسمبلی اسد قیصر ءَ ایئرلائنز ءِ نیمگا چہ سعودی عرب ءَ روکیں مساپرءَ چہ ودک ءِ کرایہ وصولی سرا تکانسری ءِ درشان کتگ۔آہاں گوشت کہ گرانیں وھد ءَ سعودی عرب ءَ روکیں پاکستانی براتانی ھاترا ہرممکن آسراتی ءِ پھجارگ ءَ را سدکی جوڈ کنگ بیت۔ سعودی حکومت ءَ کرونا وائرسءِ سبب ءَ سعودی عرب چہ ڈن ءَ پاکستانیءَ را 72 کلاکانی تہ سعودی عرب ءَ واتر سربوھگ ءِ ڈیڈ لین داتگ انت۔سعودی عرب ءَ روکیں دراھیں پاکستانیءَ چہ ایئر لینءِ ودکی کرایہ وصول کنگ ءِ شکاست آھگ ات ایشی ءِ سرا سپیکر بنجاہی اسمبلی اسد قیصرءَ ایوی ایشن ءِ وزیر غلام سرور خان ءَ گوں رھوت کتگ ءُ ودک ءِ کرایہ سرا تکانسری ءِ درشان کتگ۔ اسد قیصر ءَ گوشت کہ اے گرانیں ساعتءَ سعودی عربءَ روکیں پاکستانی براتانی ہر ممکن آسراتی ءِ پھجارگ ءَ را سدکی جوڈ کنگ بیت۔ اسپیکر ءَ گوشت کہ اے رنگءِ وھد ءِ تہ ایئر لین ءِ کرایہ ءِ تہ ودکی کنگ اپسوز ناک انت،ایوی ایشن ءِ وزیر غلام سرور خان ءَ اسپیکر ءَ را سعودی عرب روکیں پاکستانی آنی ھاترا ھاسیں فلائیٹ ھلاءینگ ءِ سدکی داتگ۔ایوی ایشن ءِ وزیر ءَ اسپیکر بنجاہی اسمبلی ءَ را سدکی داتگ کہ سعودی عرب ءَ روکیں دراھیں مساپر ءَ چہ لس کراچہ وصول کنگ بوھگ انت۔
