ملتان ۔14 مارچ (اے پی پی)دری کارانی بنجاہی وزیر مخدوم شاہ محمودقریشیءَ گوشت کہ جنوبی پنجاب ءِ بن شہر ءِ پیسلہ ءِ ایشی ءِگچین ءِ اسمبلی کن ایت،اے معاملہ مہ دمگ ءِ گچین ءِ نماھندگانی سرا ایر کتگ تنکہ کسے ءِ دل آزاری مہ بیت ۔سرکٹ ہاﺅس ملتان ءِ تہ پریس کانفرنس ءَ گوں تران کنان ءَ دری کارانی وزیر مخدوم شاہ محمود قریشی ءَ گوشت کہ جنوبی پنجاب ءِ صوبگ ءِ ہڈ دیگ ءِ پیسلہ بوتگ انت۔صوبگ ءِ ہڈ دیگ تحریک انصاف حکومت ءِ منشورءِ بھر انت۔آہاں گوشت کہ بن شہر کجام دمگ ءَ بیت ءُ اے باروا شک ودی کنگ بوتگ۔اے رنگیں حال ءَ ہچ راستی نیست انت کہ جنوبی پنجاب صوبگ ءِ سیکرٹریٹ بہاولپور ءِ تہ ہڈ دیگ ءِ پیسلہ کنگ بوتگ انت۔آہاں گوشت کہ مزن وزیر عمران خان ءَ درجیں شئور ءُ صلاح ءِ پدا صوبگ ءِ ہڈ دیگ ءِ ھوالہ چہ ھاسیں پیسلہ کتگ ات۔آہاں اے ھم گوشت کہ دراھیں پیسلہ شئورءُ صلاح ءَ گوں کنگ بہ بنت ءُ کسے سرا زور مان کنگ مہ بیت۔اے ءِپیسلہ اے ھاترا کنگ بوتگ کہ صوبگ ءِ ہڈ ءِ نیمگا دیمروئی بوت کن ایت۔شئورءُ صلاحی دیوان ءِ تہ پیسلہ بوتگ ات کہ بنداتی وڈءَ ایڈیشنل چیف سیکرٹری ساﺅتھ ملتان ءِ تہ ءُ ایڈیشنل آئی جی ساﺅتھ بہاولپورءِ تہ کارءَ کن ایت۔اے دو افسرانی تعیناتی ءِ پدا آہاں را گوشگ بیت کہ آں سیکرٹریٹ ءِ جوڈ دیگ ءِ ھاترا گامگیج ءَ زورانت۔وتی زمہ واری ءَ سرجم کن انت تنکہ یکم جولائی چہ سیکرٹریٹ کار ءَ بندات کن ایت۔حکومت لوٹگ انت کہ یکم جولائی ءَ چہ اے سیکرٹریٹ ملتان ءُ بہاولپور ءِ تہ کارءَ بندات کن ایت تنکہ اے بجٹ ءِ تہ اے خطہ ءِ ھاترا کلدار ھم ایر کنگ بنت۔ایشی ءِ پدا دیمی بھر صوبگ ءِ ہڈ دیگ ءِ ھوالہ چہ کانود ساچی انت۔مہ دیما جزگ ءِ پیسلہ کتگ انت تنکہ صوبگ ءِ ہڈ دیگ ءِ راہ ءَ ہموار کت کنیں۔صوبگ ءِ بُن شہر کجام دمگ ءَ بیت اے پیسلہ گچین اسمبلی دراھیں خطہ ءِ شئورءُ صلاح ءَ گوں کن ایت۔دری کارانی وزیر ءَ گیش سرپد کتگ کہ ملتان ءِ دیمروئی بہاولپورءِ دیمروءی ءِ ھوار بندوک انت ،اے وڈءَ بہاولپورءِ دیمروئی ملتان،رحیم یار خان ءُ ڈیرہ غازی خان ءِ دیمروئی ءِ ابید ممکن نیست انت۔آہاں گوشت کہ باندا یک بارءِ پدا مزن وزیر عمران خان ءِ گوما اے معاملہ ءِ سرا گپ کتگ ات ءُ آئی ءَ گوں گپے پدا شمارا سرپد کنگ اوں۔
