اسلام آباد ۔ 13 مارچ (اے پی پی) مزن وزیر عمران خان ءَ گوشت کہ پاکستان ءِ دیمروئی کراچی ءِ دیمروئی ءَ گوں بندوک انت، کراچی ملکی معیشت ءَ انجن آف گروتھ ءِ کرد ءَ پیلو کنت انت، بنجاھی حکومت کراچی ءِ جوڑیشت ءُ دیمروئی ءُ گہبود ءِ واستہ وتی جوانیں کرد ءَ پیلو کن اَںت۔ اے ھیالانی درشانی آئی ءَ آدینگ ءِ روچ ءَ کراچی ءِ جوڑیشت ءُ دیمروئی ءِ واستہ بنجاھی حکومت ءِ نیمگ ءَ سرجم بوھوکیں ءُ نوکیں دیمروئی منصوبگ آنی ھوالگ ءَ چار ءُ تپاسی دیوان ءِ سروکی ءَ کنگ ءَ ات۔ دیوان ءَ وزیر برائے منصوبگ بندی اسد عمر، وزیر برائے زرئی کار سید علی حیدر زیدی، گورنر سندھ عمران اسماعیل، سیادی داروکیں بنجاھی ءُ صوبائی سیکرٹریز ءُ ایندگر اپسرگ آں بھر زوری کت۔ مزن وزیر ءَ را سندھ ءِ واستہ بنجاھی حکومت ءِ نیمگ ءَ جار جتگیں 162 ارب کلدار ءِ دیمروئی پیکیج آنی ھوالگ ءَ انوگ ءَ تاں دیمروئی آنی ھوالگ ءَ بریفنگ دیگ بوت۔ دیوان ءَ انوگ ءَ تاں سرجم بوھوکیں جون 2020 ءَ تاں سرجم کتگیں منصوبگ ھاسیں رنگ ءَ کراچی ءِ جوڑیشت ءُ دیمروئی ءِ واستہ دیمروئی منصوبگ ءُ پبلک پرائیویٹ پارٹنر شپ ءِ چیر دستی ءَ جتا جتائیں المی ایں منصوبگ آنی سر ءَ بریفنگ دیگ بوت۔ دیوان ءَ را گوشگ بوت کہ سخی حسن فلائی، فائیو سٹار ءُ کے ڈی اے فلائی اوورز، 6۔4 کلومیٹر دراج بریں نشتر روڈ وھدیکہ منگھو پیر سڑک ءِ یک بھرے ءِ بنگیج گوستگیں ھپتگ ءَ کنگ بوت۔ دیوان ءَ را گوشگ بوت کہ گرین لائن بس ریپڈ ٹرانزٹ سسٹم ءِ انفراسٹرکچر مارچ 2021 ءَ تاں سرجم کنگ بوت۔ بنارس ءَ چہ جام چکرو ءَ تاں 66 انچ ءِ واٹر سپلائی لائن ءِ 95 درسد کار سرجم کنگ بوتگ وھدیکہ پشمندگیں کار اپریل ءَ تاں سرجم کنگ بنت۔ آئی ءَ گوشت کہ بنجاھی حکومت کراچی ءِ جوڑیشت ءُ دیمروئی ءُ السی گہبود ءِ رد ءَ وتی جوانیں کرد ءَ را پیلو کنگ ءَ جزمیگ انت۔
