کرونا وائرس جہانی ءُ دَین اسے نا دروشمءِ اختیار کرینے
اسلام آباد۔ 13مارچ(اے پی پی) چیئرمین سینیٹ محمد صادق سنجرانی الس آن خواست کرینے کہ کرونا وائرس جہانی ءُ دَین اسے نا دروشم ءِ اختیار کرینے، اللہ تعالیٰ غٹ انسانیت ءِ دا موذی دَین آن تینا امان اٹ تخے، جمعہ نا برکت انگا دے ءِ، غٹ رب کائنات نا مون آ سجدہ ٹی تمسادعا خوار۔ جمعہ نادے آ سینیٹ سیکرٹریٹ نا رداٹ تینا ویڈیو کلہو اٹی او پارے کہ پاکستان اٹی ہم گڑاس مریض مون آ بسنو، پاریز گری اختیار کننگ ننا راجی زمواری ءِ، کوشست کبو کہ اُراتسکان محدود مبو، رش انگا جاگہ غاتیان ہنپبو۔ اوپارے کہ بے گرج ہن و بر آن پاناد کبو و اللہ تعالیٰ نا حضور سجدہ کرسا دعا کبو و استغفار خوانبو۔
